Baǵany kótermesek, bıyl 850 myń tonna dızel tapshylyǵy bolatyn edi – Álıhan Smaıylov
Júzdesý barsynda jumyskerler Úkimet basshysyna janar-jaǵarmaı baǵasyn kótermeı, máseleni nege ózge jolmen sheshpegenin surady. Buǵan jaýap bergen Álıhan Smaıylov mundaı sheshim shet elge ketip jatqan dızel otynyn shekteý maqsatynda qabyldanǵanyn aıtty.
«Bul rasynda da problema bolyp tur. Mysaly, qazir bir lıtr dızel otyny 230-260 teńge bolsa, Reseıde ol 45%-ǵa joǵary. Ózbekstanda tipti eki ese qymbat. Qyrǵyzstanda 64%-ǵa joǵary bizge qarǵanda. Tranzıttik kólik sol janar-jaǵarmaıdyń bárin shyǵaryp jatyr. Biz shekaraǵa tyıym salǵanbyz. Temirjol jáne benzovozdarmen shyǵara almaıdy. Ony tek qana tranzıttik avtokólikpen jáne jeke tulǵalar kanıstralarmen tasıdy. Tranzıttik kólikti toqtatýǵa múmkindik joq. Endi tek bir másele – ol baǵany bir-birine jaqyndatý. Sáıkestendirý bolmasa da, shamamen baǵany jaqyndatý qajet. Sonda syrtqa shyǵarylatyn motıvatsııa tómendeıdi», - dep túsindirdi Álıhan Smaıylov.
Onyń aıtýynsha, elimizde óndiriletin dızel otyny ishki naryqtyń suranysyn tolyq jabýǵa jetedi.
«Biz ózimizdi tolyq qamtyp otyrmyz. Jylyna 5,2 mln tonna dızel otynyn shyǵaramyz. Іshki qajettilik 4,5 mln tonna. Qalǵany shetke ketip jatyr. Eger osyny jasamaq, onda bıyl 850 myń dızel otynynyń tapshylyǵyna urynatyn edik. Biz sol problemaǵa jetkizbes úshin májbúr bolyp otyrmyz», - dep túıindedi Premer-Mınıstr.