Baǵany burmalaıtyn kásipkerlerge qatań shara qoldanýymyz kerek — depýtat
Azat Perýashevtyń áriptesi Edil Jańbyrshın atalǵan normalar qarapaıym tutynýshylardyń quqyǵyn qorǵaý úshin kerek ekenin aıtty.
— 2023 jyly sáýir aıynda jergilikti atqarýshy organdardan memlekettik qadaǵalaý úkimetke berilgen. Búginge deıin kásipkerlerge birinshi ret Zańdy buzǵany úshin 1059 ákimshilik shara qoldanǵan. Bul — baǵany durys qoımaý, baǵany tipti qoımaý nemese sórelerdegi taýarlardyń baǵasyn azaıtatyn aktsııalar jazyp qoıady. Mysaly 50 paıyzǵa dep, biraq kassaǵa kelgen ýaqytta basqa baǵany alady. Merzimi ótip ketken taýarlardy satý nemese tehnıkalyq reglamentke sáıkes kelmeıtin taýarlardy satý degen kóptegen quqyq buzýshylyq bar. Osyndaı kásipkerler bizdiń aramyzda bar. Mine, bul norma solarǵa arnalǵan. Endi qarańyz. Sol 1059 aıyppuldan keıin, ártúrli ákimshilik sharalardan keıin ekinshi ret buzǵandardyń sany azaıyp ketken. Bar bolǵany 47 fakt. ıAǵnı, bul norma jumys istep tur degen sóz, — dedi depýtat.
Sondaı-aq, damyǵan elderde zań buzǵan kásipkerlerge qandaı jaza qoldanylatynynan mysal keltirdi.
— Brıtanııanyń Bırmıngem qalasynda TESCO degen kompanııa 400 gramm qulpynaıdyń baǵasyn durys qoımaı 500 myń dollar aıyppul arqalady. Chehııada syra satatyn «Bıll» degen kompanııa sórede basqa baǵa, kassada basqa baǵa kórsetkeni úshin 280 myń kron aıyppul tólegen. Bul bizdiń baǵamen eseptegende 6 mln teńgeniń ústindegi aqsha, — dedi Edil Jańbyrshın.
Depýtattyń sózinshe kásipkerlerdiń baǵany qubyltyp kórsetetin qýlyǵyna birinshi kezekte zeınetkerler, múgedekter, kóp balaly analar aldanyp jatyr.
— Sondyqtan bul norma qajet. Kásipkerler durys jumys istese, olarǵa eshkim aıyppul salmaıdy. Durys jumys isteseń, eshqandaı másele de bolmaıdy, — dedi Edil Jańbyrshın.