Baǵalanbaı qalǵan batyrlar: Tóleýǵalı ÁBDІBEKOV

ASTANA. QazAqparat - Jeńis kúni qarsańynda «QazAqparat» HAA esimi umyt qalǵan Keńes Odaǵynyń Batyrlary týraly materıaldar jarııalaıdy. Materıaldardy jarııalaýǵa «Baǵalanbaı qalǵan batyrlar» jınaǵynyń avtory Berik Ábdiǵalıuly kómek kórsetti.

Berik Ábdiǵalıulynyń atap ótýinshe, bul jınaqta sóz qozǵalatyn batyrlardyń esimi jalpaq jurtqa málim emes. Olardyń atymen atalǵan kóshe nemese mektepter joq. Qan maıdanda erlik kórsetkenin janyndaǵy joldastary kórse de, shtab jáne partııa basshylyǵy olardy moıyndamaǵan. Bizdiń mindetimiz - tarıhı shyndyqqa jetý úshin olar jaıynda keleshek urpaqqa áńgimelep berý.

Tóleýǵalı ÁBDІBEKOV - 2-shi dúnıejúzilik soǵystyń úzdik snaıperleri tizimine engen mergen. 1916 jyly Semeı oblysynyń Jarma aýdanynda dúnıege kelgen.

1932 jyly OQO Maqtaral aýylyna kóship keledi. 1941 jyly áskerge alynyp, áıgili 8-shi panfılovshylar dıvızııasynda bolady. Bas aıaǵy 397 fashıstiń kózin joıǵan Tóleýǵalı 1944 jyldyń 23 aqpany kúni Kalının oblysy Novo-Sokolnıkı aýdanyndaǵy Nasva stansasy mańynda qaza tabady. Qyzyl Juldyz, Qyzyl Tý, І dárejeli Otan soǵysy, Lenın ordenderimen marapattalǵan.

T. Ábdibekov óz anketasynda aǵasy Kemelbaıdyń «halyq jaýy» retinde ustalyp ketkenin jasyrmaı jazǵan. Sol sebepti komandovanıe Keńes odaǵynyń batyry ataǵyna usynǵanymen oǵan bul ataq berilmedi.