Baǵalanbaı qalǵan batyrlar: Isataı SÚIEÝBAEV

ASTANA. QazAqparat - Jeńis kúni qarsańynda «QazAqparat» HAA esimi umyt qalǵan Keńes Odaǵynyń Batyrlary týraly materıaldar jarııalaıdy. Materıaldardy jarııalaýǵa «Baǵalanbaı qalǵan batyrlar» jınaǵynyń avtory Berik Ábdiǵalıuly kómek kórsetti.

Berik Ábdiǵalıulynyń atap ótýinshe, bul jınaqta sóz qozǵalatyn batyrlardyń esimi jalpaq jurtqa málim emes. Olardyń atymen atalǵan kóshe nemese mektepter joq. Qan maıdanda erlik kórsetkenin janyndaǵy joldastary kórse de, shtab jáne partııa basshylyǵy olardy moıyndamaǵan. Bizdiń mindetimiz - baǵalanbaı qalǵan batyrlar jaıynda keleshek urpaqqa áńgimelep berý.

Isataı SÚIEÝBAEV - 1913 jyly Gýrev oblysy Mańǵystaý aýdany №18 aýylynda dúnıege kelgen. Soǵys jyldarynda 293-shi atqyshtar dıvızııasynda avtomatshy boldy. 1942 jyly qarasha aıynda jasaǵan erligi úshin 21-shi armııanyń komandovanıesi Isataı Súıeýbaevty Keńes odaǵynyń batyr ataǵyna usynǵanymen ol tek Lenın ordenimen marapattalady.

Soǵysta jaraqat alǵan soń 1944 jyly elge oralyp, 1948 jyly qaıtys bolady.