Baǵalanbaı qalǵan batyrlar: Amansha MEŃDІǴALIEV

ASTANA. QazAqparat - Jeńis kúni qarsańynda «QazAqparat» HAA esimi umyt qalǵan Keńes Odaǵynyń Batyrlary týraly materıaldar jarııalaıdy. Materıaldardy jarııalaýǵa «Baǵalanbaı qalǵan batyrlar» jınaǵynyń avtory Berik Ábdiǵalıuly kómek kórsetti.

Berik Ábdiǵalıulynyń atap ótýinshe, bul jınaqta sóz qozǵalatyn batyrlardyń esimi jalpaq jurtqa málim emes. Olardyń atymen atalǵan kóshe nemese mektepter joq. Qan maıdanda erlik kórsetkenin janyndaǵy joldastary kórse de, shtab jáne partııa basshylyǵy olardy moıyndamaǵan. Bizdiń mindetimiz - baǵalanbaı qalǵan batyrlar jaıynda keleshek urpaqqa áńgimelep berý.

Amansha MEŃDІǴALIEV  - 1918 jyly 18 tamyzda BQO Orda aýdany Saıqyn aýylynda dúnıege kelgen.

1941 jyly ásker qataryna alynyp, Almatyda qurylǵan 316-atqyshtar dıvızııasynyń 1077 polkiniń quramynda maıdanǵa attanady. 1942 jyly aýyr jaraqattanyp, gospıtalde emdelip shyqqan soń 1943 jyly kúzde Chkalov tank ýchılışesine oqýǵa jiberiledi. Ýchılışeni bitirgen soń 1-shi gavrdııalyq tank armııasynyń 362-shi ózdiginen júretin artpolkinde vzvod komandıri bolady.  Gvardııa kishi leıtenanty A. Meńdiǵalıev Qyzyl Juldyz, Qyzyl Tý ordenderimen, kóptegen medaldarmen marapattalǵan. Berlındi alý kezindegi erligi úshin artpolk komandıri A. Meńdiǵalıevti Keńes odaǵynyń batyry ataǵyna usynǵan. Biraq 11-shi gvardııalyq tank korpýsynyń komandıri polkovnık A. Meńdiǵalıevti ekinshi márte Qyzyl Tý ordenimen marapattaý týraly sheshim shyǵarady.

A. Meńdiǵalıev 1946 jyly elge oralyp, túrli basshylyq qyzmetterde eńbek etedi.