Baǵa turaqtylyǵy: Túrkistan oblysynda aýylsharýashylyq jármeńkeleri ótýde

TÚRKІSTAN. QazAqparat – Azyq-túlik baǵalaryn turaqtandyrý maqsatynda Túrkistan oblysyndaǵy aýdan, qalalarda jármeńkeler ótýde, dep habarlaıdy QazAqparat tilshisi.

Túlkibas aýdanynda ótken aýyl sharýashylyǵy ónimderiniń jármeńkesinde et jáne un ónimderi bazar baǵasynan tómen baǵada satyldy. Máselen, bazarda qoı eti 2300 teńge jáne sıyr eti 2500 teńge bolsa, jármeńkede 1970 teńgeden satylymǵa shyqty. Al bazardaǵy 9300 teńgeniń I suryp uny 8800 teńgeden saýdalandy. Jármeńkede basqa da ónimder 15-20% arzan baǵada usynyldy.

Kentaý qalasynda ár senbi saıyn ortalyq alańda jármeńke uıymdastyrylyp jatyr. Basty maqsat – jergilikti sharýalardyń ónimderin halyqqa qoljetimdi baǵada usyný, tamaq ónimderin tutynýshylarǵa deldalsyz jetkizý.

Munda qalaǵa qarasty Qarnaq aýylynyń sharýalary aýyl sharýashylyǵy ónimderin tutynýshylarǵa deldalsyz jetkizdi.

Qajetti ónimderdi tıimdi baǵada alǵan turǵyndar uıymdastyrýshylarǵa rızashylyqtaryn bildirip, alǵys aıtty.