Baǵa saıasaty jolaýshy múddesine emes, áýekompanııanyń tabysyn arttyrýǵa jumys istep otyr – Úkimet basshysy

ASTANA. QazAqparat – Básekelestikti qorǵaý jáne damytý agenttigi qazirgi baǵa saıasaty jolaýshylardyń múddesine emes, avıakompanııalardyń tabysyn arttyrý úshin jumys istep otyr dep sanaıdy. Úkimet otyrysynda Premer-Mınıstr Álıhan Smaıylov osylaı málim etti, dep habarlaıdy QazAqparat tilshisi.

«Astanadan Almatyǵa deıin loýkostermen 1,5 saǵattyq ushý - Eýropa, AQSh nemese Qytaı elderindegi osyndaı marshrýttarmen salystyrǵanda 2 ese qymbat bolýy múmkin. Básekelestikti qorǵaý jáne damytý agenttigi qazirgi baǵa saıasaty jolaýshylardyń múddesine emes, avıakompanııalardyń tabysyn arttyrý úshin jumys istep otyr dep sanaıdy. Búginde janarmaı shyǵyndaryn óteýge jumsalatyn otyn alymy logıka boıynsha avıaotyn baǵasynyń ózgerýine baılanysty bolýy tıis. Alaıda, ol bılet baǵasynda ózgerissiz, bir deńgeıde qalyp otyr. Sondyqtan, baǵa saıasatyn qaıta qarap, avıatasymal servısi men qyzmet kórsetý sapasyn jaqsartý úshin únemi jumys isteý kerek», - dep tapsyrma júktedi Premer- Mınıstr.

Sondaı-aq, Premer-Mınıstr Álıhan Smaıylov áýejaılardyń aınalasyndaǵy jerler retsiz paıdalanylyp jatqanyn aıtyp, jaýapty organdardy synǵa aldy.