«Baǵa belgileý baqylaýsyz bolmaýy tıis» - respýblıkalyq basylymdarǵa sholý

ASTANA. 19 aqpan. QazAqparat - Qazaq aqparat agenttigi respýblıkalyq basylymdarda 19 aqpan, senbi kúni shyqqan ózekti materıaldarǵa sholýdy usynady.

***

«Keshe Premer-Mınıstr Kárim Másimov oblystardyń, Astana jáne Almaty qalalarynyń ákimderimen selektorlyq keńes ótkizdi», - dep jazady «Egemen Qazaqstan» gazeti senbilik sanynda jaryq kórgen «Baǵa belgileý baqylaýsyz bolmaýy tıis» degen maqalasynda. Basylymnyń atap ótýinshe, keńeske qatysýshylar el óńir­leriniń azyq-túlik jáne je­mis-kókónis rynoktaryndaǵy aǵym­daǵy ahýaldy, sol sııaqty azyq-túlik qaýipsizdigin qamtamasyz etý máseleleri jóninen qysqa merzimdi jáne orta merzimdi sharalar qabyldaý máselelerin tal­qylady. K.Másimov oblystardyń, Astana jáne Almaty qalalary­nyń ákimderine azyq-túlik taýar­lary rynoktaryndaǵy baǵa belgileýge baqylaýdy kúsheıtýdi tap­syrdy. Ortalyq atqarý organ­daryna Keden odaǵy sheńberinde qol jetkizilgen ýaǵdalastyqtar men aǵymdaǵy ahýaldy eskere otyryp, ishki rynokty azyq-túlik taýarlarymen molyqtyrý jáne baǵany turaqtandyrý jóninen ke­shendi de júıeli is-sharalar ázir­leýdi aıaqtaý júkteldi.

Elbasy Nursultan Nazarbaevtyń atyna elimizdiń túkpir-túkpirinen júrekjardy tilekterin arnap, merziminen buryn saılaý ótkizý jónindegi sheshimine qoldaý bildirgen hattar men jedelhattar aǵylyp kelýde. Solardyń birqatary «Egemen Qazaqstan» gazetinde jarııalanyp otyr. Máselen, Almaty qalasynan úndeý-hat joldaǵan jastar qoǵamdyq uı­ym­darynyń bir top jetekshileri men joǵary oqý oryn­da­rynyń stýdentteri: «Jastyq yntasyn, jigeri men kúsh-qaı­ratyn Qazaq­stannyń keleshek damýyna arna­ǵysy keletin Almaty qalasynyń jastary aty­nan Sizdiń saılaýǵa baı­la­nysty sheshimderińizdi shyn júrekten qoldaıtynymyzdy bil­dire otyryp, árqashanda Sizben birge ekenimizdi jetkizgimiz keledi», - dep jazady.

***

«Aıqyn» gazetiniń jazýynsha, Prezıdent Nursultan Nazarbaevtyń aldaǵy 21-23 aqpanda kórshi elge resmı sapary barysynda Qazaqstan Respýblıkasy Úkimeti men Qytaı Halyq Respýblıkasynyń Úkimeti arasynda Transshekaralyq ózen sýlarynyń sapasyn qorǵaý týraly kelisimge qol qoıylatyn boldy. Bul jaıynda Qorshaǵan ortany qorǵaý mınıstrliginde keshe Elbasy Joldaýyn iske asyrý aıasyndaǵy ekologııalyq máselelerge qatysty mınıstrliktiń mindetterine arnalǵan alqa májilisinde vedomstvo basshysy Nurǵalı Áshim aıtqan. Byltyrǵy jyldyń qorytyndysy boıynsha ótken osy mınıstrliktiń keńeıtilgen alqa májilisinde Premer-Mınıstr Kárim Másimov «birde-bir nysannyń qurylysy tıisti ekologııalyq saraptamasyz bastalmasyn» degen tapsyrma bergen bolatyn. Al keshegi alqa májilisinde mınıstr bul saraptamanyń «jumysty nemese qurylysty uıymdastyrýǵa tejeý bolmaýǵa tıistigine», alaıda «ekologııaǵa teris áser etýi yqtımal jobalardyń barlyq kemshilikterin tabandy qaraý qajettigine» nazar aýdartty. Maqalany basylymnyń senbilik nómirinen «Qazaqstan jahan problemalaryn sheshýge belsendi qatysady» degen taqyrypta oqı alasyzdar.

***
«Shyǵys Qazaqstan oblysynyń Abaı aýdanyndaǵy Shyńǵystaý jaqty aralap qaıtqan qazaqstandyq tarıhshy Sergeı Afanasev «Shyńǵys hannyń súıegi osy óńirge jerlengen bolýy múmkin» degen tujyrym jasap otyr» - dep jazady «Aıqyn» gazeti búgingi nómirindegi «Shyńǵys hannyń zıraty - Shyńǵystaýda» degen maqalasynda. Ár eldiń arheologtarynyń aıtqan ártúrli joramaldary boıynsha osy kúnge deıin Shyńǵys hannyń onshaqty zıraty tabyldy, biraq naqty dálelder joq. Ańyz boıynsha ony qupııa jerlegen. Molanyń ústinen myńdaǵan jylqyny aıdap ótken. Jerleýge qatysqan 200 adamdy hannyń 800 kúzetshisi sol jerde shaýyp óltirgen. Uly han jerlengen jerdi eshkim bilmes úshin álgi kúzetshilerdiń de bir táýlikke jetpeı basy shabylǵan. Sodan beri Shyńǵys hannyń zıratyn tabý úshin mıllıondaǵan dollar qarjy jumsaldy.

«Prezıdenttikke alǵashqy kandıdat bolyp Elbasy N.Nazarbaev tirkeldi». «Alash aınasy» gazetiniń jazýynsha, keshe Ortalyq saılaý komıssııasyna saılaýshylardyń qoldary qoıylǵan paraqtardy tapsyrǵan Elbasy Nursultan Nazarbaev 3 sáýirde ótetin kezekten tys Prezıdent saılaýyna alǵashqy kandıdat bolyp tirkeldi. Memleket basshysyn respýblıkanyń 16 óńirinen 717 myń 340 saılaýshy, ıaǵnı belsendi saılaý quqyǵy bar azamattardyń 8 paıyzǵa jýyǵy qoldaǵan. N.Nazarbaevtyń qujattaryn jiti qarap shyqqan OSK olardy "QR saılaý týraly" zańynyń talaptaryna sáıkes dep taýyp, Nursultan Ábishuly Nazarbaevty Qazaqstan Respýblıkasynyń Prezıdenttigine kandıdat retinde tirkeý týraly qaýly qabyldady.

Osy basylymnyń «Dat!» aıdarynda Súıinbaı atyndaǵy Almaty oblystyq fılarmonııasynyń bas dırektory, QR eńbek sińirgen ártisi Erjan Qosbarmaqovpen aradaǵy suhbat «Óner adamy úshin shekpennen góri shyn kóńilden aıtylǵan bir aýyz jyly lebiz áldeqaıda qymbat» degen taqyryppen berilgen. Basylymnyń barlyq saýaldaryna tuşymdy jaýap bergen ol: «Qazir ónerpazdar «aǵa, men bálen jerge baraıyn dep edim» deıdi, ol «aǵasy» bárin daıyndatyp qoıady. Barady da, álgi ánshi fonogrammamen án aıtqan bolyp, qaltaǵa konvert salyp qaıtady. Sonda onyń nesi halyqqa qyzmet etken? Ótirik qoı «halyq» dep júrgeni, aınalyp kelgende, jeke bastyń qamy úshin bolyp shyqpaı ma? Mine, meniń osyǵan qarnym ashady, osyǵan qynjylamyn», - deıdi.

***

«Memleket basshysy Nursultan Nazarbaev Aýyl sharýashylyǵy mınıstri Aqylbek Kúrishbaevty qabyldady», dep jazady «Kazahstanskaıa pravda» gazeti. Basylymnyń atap ótýinshe, mınıstr Prezıdentke aýyl sharýashylyǵy jylynyń qorytyndylarymen jáne Memleket basshysynyń agroónerkásip keshenin damytýǵa qatysty tapsyrmalarynyń júzege asyrylýy barysymen habardar etti. Kezdesý barysynda ósimdik ósirýdi damytý bolashaǵy, salanyń budan ári ylǵal saqtaǵysh jáne sý saqtaǵysh tehnologııalarǵa kóshýi talqylanyp, jer resýrstaryn tıimdi paıdalaný máseleleri de áńgime ózegine aınaldy.