BABALAR SÓZІ: Jalańtóstiń úsh qoryǵy týraly ańyz

ASTANA. QazAqparat - «QazAqparat» halyqaralyq aqparattyq agenttigi Elbasy Nursultan Nazarbaevtyń 2015 jyly Qazaq handyǵy qurylýynyń 550 jyldyǵyn ótkizý týraly bastamasyna oraı «Qazaq handyǵyna 550 jyl» atty arnaıy jobany iske qosty. Bul joba aıasynda «Babalar sózi», «Qazaq handary», «Ejelgi qalalar tarıhy», «Halyq qazynasy» qatarly jańa aıdarlar ashyldy.

«Babalar sózi» aıdary negizine «Mádenı mura» baǵdarlamasy aıasynda shyqqan 100 tomdyq aýyz ádebıetiniń jyr-tolǵaýlary, qıssa-dastandar, sóz ustaǵan sheshender men bılerimizden qalǵan naqyldar, tarıhı jádigerler alyndy. «Qazaq handary» aıdarynda tarıhymyzda eline qorǵan bolǵan handardyń ómiri týraly derekter beriledi. Al «Ejelgi qalalar tarıhy» aıdaryna qazaq dalasyndaǵy órkenıettiń ordasy bolǵan kóne qalalardyń tarıhy týraly jazbalar jarııalanady. «Halyq qazynasy» aıdary boıynsha, Qazaqstandaǵy tarıhı, mádenı eskertkishter, qazaq halqynyń salt-dástúrleri, qolóner, qarý-jaraqtary týraly maǵlumattar berilmek. Joba materıaldary qazaq tilinde (qazaqsha jáne tóte jazýmen) agenttik saıtynda jarııalanady.

***

Shapqynshylyq kezinde jońǵarlar qazaq jeriniń malǵa jaıly shuraıly tustaryn jaılap qonystanyp alypty. Úlken qoryq dep atalatyn jerde jatqan jaý áskerlerine ne saýyty joq, ne naızadan basqa qarýy joq aq kóılekti bir batyr oıda joqta jalǵyz ózi jaýǵa tıedi. Jońǵarlardyń atqan oqtary, shapqan qylyshtary jańaǵy batyrǵa darymapty. Áýlıe batyrdyń arýaǵynan qoryqqan jońǵarlar úlken qoryqty tastaı qashypty. Orta qoryqqa kelip panalaǵan jaý áskerleri jańaǵy batyrdyń Jalańtós ekenin áńgimeleı aıtypty. Sóıtip otyrǵanda álgi Jalańtós orta qoryqqa da qyrǵıdaı tıip qýyp shyǵady. Barlyq jońǵarlar jınalyp kelip kishi qoryqta bas qosypty. Sol sátte jaýdyń batyryna bir habarshy jigit kelip: «Jalańtós batyr osynda kele jatyr» degen habar aıtypty. Sony estigen qalmaq batyry: «Úlken qoryqty berdik, orta qoryqty berdik, kishi qoryqty da báribir almaı qoımas. Aman-saý turǵanymyzda ketkenimiz jón bolar, bul úsh qoryqtyń úsheýi de Jalańtóstiki eken ǵoı»,-dep áskerlerin bastap qaıtyp ketipti deıdi. Sodan beri jańaǵy qoryqtar «Jalańtóstiń úsh qoryǵy» atalyp ketipti.