BABALAR SÓZІ: Qaraǵandy ataýy qalaı shyqqan?

ASTANA. QazAqparat - «QazAqparat» halyqaralyq aqparattyq agenttigi Elbasy Nursultan Nazarbaevtyń 2015 jyly Qazaq handyǵy qurylýynyń 550 jyldyǵyn ótkizý týraly bastamasyna oraı «Qazaq handyǵyna 550 jyl» atty arnaıy jobany iske qosty. Bul joba aıasynda «Babalar sózi», «Qazaq handary», «Ejelgi qalalar tarıhy», «Halyq qazynasy» qatarly jańa aıdarlar ashyldy.

«Babalar sózi» aıdary negizine «Mádenı mura» baǵdarlamasy aıasynda shyqqan 100 tomdyq aýyz ádebıetiniń jyr-tolǵaýlary, qıssa-dastandar, sóz ustaǵan sheshender men bılerimizden qalǵan naqyldar, tarıhı jádigerler alyndy. «Qazaq handary» aıdarynda tarıhymyzda eline qorǵan bolǵan handardyń ómiri týraly derekter beriledi. Al «Ejelgi qalalar tarıhy» aıdaryna qazaq dalasyndaǵy órkenıettiń ordasy bolǵan kóne qalalardyń tarıhy týraly jazbalar jarııalanady. «Halyq qazynasy» aıdary boıynsha, Qazaqstandaǵy tarıhı, mádenı eskertkishter, qazaq halqynyń salt-dástúrleri, qolóner, qarý-jaraqtary týraly maǵlumattar berilmek. Joba materıaldary qazaq tilinde (qazaqsha jáne tóte jazýmen) agenttik saıtynda jarııalanady.

***

Baıaǵyda bir baı bolypty. Onyń ózge malyna qaraǵanda usaq tuıaqty kóp eken. Іshindegi bir qara qoıdy qasıetti dep, otar-otar malynyń berekesi dep ataıdy eken. Bir kúni mal óristen qaıtqanda, qara qoıdyń joq ekeni anyqtalady. Ákki qoıshylar baıǵa qoıdyń dalada qozdap qalýy múmkin ekenin jetkizedi. Baıdyń jigitteri keshqurym mezgilde otar jaıylǵan oryn­dardy súzip shyǵýǵa attanady. Shamaly ýaqyttyń ishinde qas qaraıyp ketedi. Aı sáýlesiniń jaryǵymen qaraıyp kóringen nárselerdiń qaısysyna barsa da, barlyǵy qaraǵan bolyp shyǵa beredi. Ábden sharshaǵan jigitterdiń biri: «Qaıda barsań qaraǵan, bul ózi qaraǵandy jer eken ǵoı», - dep keıis bildiripti. So­nan osy jerdiń aty «Qaraǵandy» atalyp ketedi.