BABALAR SÓZІ: Belgibaı taýy ataýy qaıdan shyqty?

ASTANA. QazAqparat - «QazAqparat» halyqaralyq aqparattyq agenttigi Elbasy Nursultan Nazarbaevtyń 2015 jyly Qazaq handyǵy qurylýynyń 550 jyldyǵyn ótkizý týraly bastamasyna oraı «Qazaq handyǵyna 550 jyl» atty arnaıy jobany iske qosty. Bul joba aıasynda «Babalar sózi», «Qazaq handary», «Ejelgi qalalar tarıhy», «Halyq qazynasy» qatarly jańa aıdarlar ashyldy.

«Babalar sózi» aıdary negizine «Mádenı mura» baǵdarlamasy aıasynda shyqqan 100 tomdyq aýyz ádebıetiniń jyr-tolǵaýlary, qıssa-dastandar, sóz ustaǵan sheshender men bılerimizden qalǵan naqyldar, tarıhı jádigerler alyndy. «Qazaq handary» aıdarynda tarıhymyzda eline qorǵan bolǵan handardyń ómiri týraly derekter beriledi. Al «Ejelgi qalalar tarıhy» aıdaryna qazaq dalasyndaǵy órkenıettiń ordasy bolǵan kóne qalalardyń tarıhy týraly jazbalar jarııalanady. «Halyq qazynasy» aıdary boıynsha, Qazaqstandaǵy tarıhı, mádenı eskertkishter, qazaq halqynyń salt-dástúrleri, qolóner, qarý-jaraqtary týraly maǵlumattar berilmek. Joba materıaldary qazaq tilinde (qazaqsha jáne tóte jazýmen) agenttik saıtynda jarııalanady.

***

BELGІBAI TAÝY

Bıik taýdy ertede batyr tulǵaly, palýan adam meken etipti-mys. Belgibaıdyń ómiri barymtashylyqpen ótken eken. Eshkimge óziniń esesin jibermepti. Bir saparynda Belgibaı sol mańaıǵa aty shýly aıǵyrdy qolyna túsirip, taýdaǵy úńgirge ákep qamaıdy. Aıǵyrdy kim alǵanyn birden bilgen el, Belgibaıǵa kelip:

- Maldyń kıesi jaman bolady. Ol qasıetti mal, bostandyqqa jiber, - deıdi. Belgekeń el sózine qulaq aspaıdy.

Úńgirde qamaýly aıǵyr úńgir aýzyn japqan tasty qulatyp, mertigip óledi. Aıǵyrdyń qasıeti atqan Belgibaı aljyp, ózdiginen atqa minip-túse almaıtyn halinde jaıaý qoı qýyp júrgen kezinde Belgibaı taýynyń eteginde kóz jumady. Taýdyń Belgibaı atalýy, mine, osydan eken. Bul kúnde bireý bilip, bireý bilmeıtin, bireý kórip, bireý kórmegen Belgibaı beıitin sol jer­den tabasyzdar.