BABALAR SÓZІ: Baıtýǵan ataýy týraly ańyz

ASTANA. QazAqparat - «QazAqparat» halyqaralyq aqparattyq agenttigi Elbasy Nursultan Nazarbaevtyń 2015 jyly Qazaq handyǵy qurylýynyń 550 jyldyǵyn ótkizý týraly bastamasyna oraı «Qazaq handyǵyna 550 jyl» atty arnaıy jobany iske qosty. Bul joba aıasynda «Babalar sózi», «Qazaq handary», «Ejelgi qalalar tarıhy», «Halyq qazynasy» qatarly jańa aıdarlar ashyldy.

«Babalar sózi» aıdary negizine «Mádenı mura» baǵdarlamasy aıasynda shyqqan 100 tomdyq aýyz ádebıetiniń jyr-tolǵaýlary, qıssa-dastandar, sóz ustaǵan sheshender men bılerimizden qalǵan naqyldar, tarıhı jádigerler alyndy. «Qazaq handary» aıdarynda tarıhymyzda eline qorǵan bolǵan handardyń ómiri týraly derekter beriledi. Al «Ejelgi qalalar tarıhy» aıdaryna qazaq dalasyndaǵy órkenıettiń ordasy bolǵan kóne qalalardyń tarıhy týraly jazbalar jarııalanady. «Halyq qazynasy» aıdary boıynsha, Qazaqstandaǵy tarıhı, mádenı eskertkishter, qazaq halqynyń salt-dástúrleri, qolóner, qarý-jaraqtary týraly maǵlumattar berilmek. Joba materıaldary qazaq tilinde (qazaqsha jáne tóte jazýmen) agenttik saıtynda jarııalanady.

***

BAITÝǴAN

Birde Áldebergen, Baıtýǵan, Jaqyp-Keńgir aýyly bolyp, kóship bara jatqanda aǵaıyn arasynda iritki týady. Sodan alakózdik ereges keýlep, kósh buzylady. Osy joly kıqarlyqqa salynǵan Baıtýǵan aǵaıyn-týǵandarynan bólinip, buǵan deıin ataýsyz kelgen oty mol qaqtyń boıynda qonyp qalady. Sóıtip, áýeli «Baıtýǵan qonǵan», al keıinnen «Baıtýǵan» atapty. Bul jerge sý jaıylyp, kádýilgi kólge aınalýy, úırek-qazy qonyp, balyqtyń paıda bolýy, sirá, keıinnen, álgi jan-jaqtan toǵan turǵyzyp, jasandy kóltabandardyń ómirge kelýimen baılanysty bolsa kerek.