BABALAR SÓZІ: «Baıqońyr» ataýy qaıdan shyqqan?

ASTANA. QazAqparat - «QazAqparat» halyqaralyq aqparattyq agenttigi Elbasy Nursultan Nazarbaevtyń 2015 jyly Qazaq handyǵy qurylýynyń 550 jyldyǵyn ótkizý týraly bastamasyna oraı «Qazaq handyǵyna 550 jyl» atty arnaıy jobany iske qosty. Bul joba aıasynda «Babalar sózi», «Qazaq handary», «Ejelgi qalalar tarıhy», «Halyq qazynasy» qatarly jańa aıdarlar ashyldy.

«Babalar sózi» aıdary negizine «Mádenı mura» baǵdarlamasy aıasynda shyqqan 100 tomdyq aýyz ádebıetiniń jyr-tolǵaýlary, qıssa-dastandar, sóz ustaǵan sheshender men bılerimizden qalǵan naqyldar, tarıhı jádigerler alyndy. «Qazaq handary» aıdarynda tarıhymyzda eline qorǵan bolǵan handardyń ómiri týraly derekter beriledi. Al «Ejelgi qalalar tarıhy» aıdaryna qazaq dalasyndaǵy órkenıettiń ordasy bolǵan kóne qalalardyń tarıhy týraly jazbalar jarııalanady. «Halyq qazynasy» aıdary boıynsha, Qazaqstandaǵy tarıhı, mádenı eskertkishter, qazaq halqynyń salt-dástúrleri, qolóner, qarý-jaraqtary týraly maǵlumattar berilmek. Joba materıaldary qazaq tilinde (qazaqsha jáne tóte jazýmen) agenttik saıtynda jarııalanady. *** Bir jyly Syrdyń boıynda úlken jut bolyp, búkil mal qyrylyp qalǵan eken. Sonyń aldynda nazarlarǵa (rý aty) bir baı Qońyr atty qyzyn uzatyp salǵan. Eki-úsh jyl ótkennen keıin qyzdyń aǵasy balalarǵa baryp qaıtaıyn dep barsa, olar qystan aman shyqqan eken. Barsa qaryndasy aldynan shyǵyp, jaqsylap qonaq qylǵan eken. Sodan qaryndasy: - Aǵa, el jutap jatsa, myna maldan mal alyp ket, jylqydan jylqy alyp ket, - dep bir qora mal beredi. Aǵasy maldy aýylǵa ákelip, árkimge taratady. Jurt: «Muny qaıdan alyp keldiń?»-dep suraıdy. Sonda aǵasy: -Qońyrdyń barǵan jeri jaqsy eken, qystan aman-esen shyqqan eken,-deıdi. Ony estigen jurttyń biz de qudalarǵa baryp keleıik, eń bolmasa at minip keleıik dep barǵandarynyń eshbireýi qur qol qaıtpaıdy.

Sodan Qońyr degen qyzdyń barǵan jeri baı bolǵan soń, osy jer «Baıqońyr» atalyp ketken eken.