BABALAR SÓZІ: Áýlıe Ata ataýy qaıdan shyqqan

ASTANA. QazAqparat - «QazAqparat» halyqaralyq aqparattyq agenttigi Elbasy Nursultan Nazarbaevtyń 2015 jyly Qazaq handyǵy qurylýynyń 550 jyldyǵyn ótkizý týraly bastamasyna oraı «Qazaq handyǵyna 550 jyl» atty arnaıy jobany iske qosty. Bul joba aıasynda «Babalar sózi», «Qazaq handary», «Ejelgi qalalar tarıhy», «Halyq qazynasy» qatarly jańa aıdarlar ashyldy.

«Babalar sózi» aıdary negizine «Mádenı mura» baǵdarlamasy aıasynda shyqqan 100 tomdyq aýyz ádebıetiniń jyr-tolǵaýlary, qıssa-dastandar, sóz ustaǵan sheshender men bılerimizden qalǵan naqyldar, tarıhı jádigerler alyndy. «Qazaq handary» aıdarynda tarıhymyzda eline qorǵan bolǵan handardyń ómiri týraly derekter beriledi. Al «Ejelgi qalalar tarıhy» aıdaryna qazaq dalasyndaǵy órkenıettiń ordasy bolǵan kóne qalalardyń tarıhy týraly jazbalar jarııalanady. «Halyq qazynasy» aıdary boıynsha, Qazaqstandaǵy tarıhı, mádenı eskertkishter, qazaq halqynyń salt-dástúrleri, qolóner, qarý-jaraqtary týraly maǵlumattar berilmek. Joba materıaldary qazaq tilinde (qazaqsha jáne tóte jazýmen) agenttik saıtynda jarııalanady.

***

Ejelde Qarahan atty batyr bolǵan desedi. Ol Aısha bıbige ǵashyq bolady. Biraq Aısha bıbiniń ákesi men Qarahan batyr bir-birine jaý bolatyn. Bir kúnderde Qarahan Aısha bıbiniń ákesiniń aýylyn shaýyp, Aısha bıbini alyp qashpaqshy bolady. Qarahan Aısha bıbini alyp qashyp bara jatqanda ákesi jendetterin jiberip ekeýin óltirtpek bolady.

Elinen uzatylyp Qarahanmen birge qashyp bara jatqan Aısha bala kezinen ósken jeri Asa ózenine bir shomylmaq bo­lyp sýǵa túsedi. Osy kezde qyzdyń ákesi jibergen jendetter Aıshanyń sáýkelesine jylan salyp jiberedi. Sýǵa shomylyp kóńili shattanǵan Aısha sáýkelesin kıgen kezde jylan shaǵyp, esinen tanyp, álsireı bastaıdy. Osy sátte Qarahan esinen tanǵan Aıshany kóterip alyp, moldaǵa aparyp, neke qıǵyzdyrady.

Sol Aısha bıbiniń qaıtys bolǵan jerine mazar turǵyzyp, qasyna ózi de bir oryn qaldyrtady. Sodan keıin-aq Qarahan aq sálde, aq jıdemen júrip, kóz jumar shaǵyna deıin Aısha bıbi mazaryn kúzetip, ómirin sonda ótkizgen desedi.

Qarahannyń osyndaı is-áreketine qaraı el ony áýlıe desedi. Sol jerdi el «Áýlıeata» atap ketipti.