BAÁ Pavel Dýrovtyń ustalýyna qatysty pikir bildirdi

<p>ASTANA.KAZINFORM - Birikken Arab Ámirlikteri Frantsııa úkimetinen qazir Parıjde qamaýda otyrǵan Telegram bas dırektory Pavel Dýrovqa konsýldyq ruqsat berýdi surady.&nbsp;</p>

BAÁ Syrtqy ister mınıstrligi óz málimdemesinde Birikken Arab Ámirlikteri Frantsııany Dýrovqa "barlyq konsýldyq qyzmetterdi" usynýǵa shaqyryp, azamattarǵa qamqorlyq jasaý "birinshi kezektegi mindet" ekenin málimdedi.

Sondaı-aq, BAÁ Pavel Dýrov qamaýǵa alynǵannan keıin jáne onyń qamaý merzimi uzartylǵannan keıingi árbir isi muqııat qadaǵalanyp otyrǵanyn aıtty.

- BAÁ Parıj-Le-Býrj áýejaıynda frantsýz bıligi qamaýǵa alǵan Telegram negizin qalaýshy Pavel Dýrovtyń isin jiti qadaǵalap otyr. Azamattarǵa qamqorlyq jasaý, olardyń múddelerin qorǵaý, olardyń isin baqylaý jáne barlyq kómek túrlerin kórsetý BAÁ úshin basty basymdyq, - delingen vedomstvo málimdemesinde.

Dúısenbi kúni Frantsııa prezıdenti Emmanýel Makron qamaýǵa alý týraly pikirinde "bul saıası qadam emes, táýelsiz tergeýdiń bir bóligi" degen edi.

Buǵan deıin Pavel Dýrovtyń Frantsııadaǵy Parıj-Le-Býrje áýejaıynda Telegram qosymshasyna baılanysty 12 qylmystyq quqyq buzýshylyq boıynsha bastalǵan sot tergeýi negizinde qamaýǵa alynǵany habarlanǵan bolatyn.