BAÁ men Izraıl qatynastardy retteý týraly kelisimge qol qoıady

NUR-SULTAN. QazAqparat – 15 qyrkúıekte AQSh prezıdenti Donald Tramp Birikken Arab Ámirlikteri men Izraıl arasynda kelisimge qol qoıý rásimin ótkizedi, dep habarlaıdy QazAqparat Middle East Monitor-ǵa silteme jasap.

Aq úıdegi joǵary laýazymdy sheneýniktiń aıtýynsha, delegatsııalardy Izraıl premer-mınıstri Bınıamın Netanıahý men BAÁ Syrtqy ister mınıstri, sheıh Abdolla ben Zaıed ál-Nahaııan basqarady.

Bul rette Donald Tramp pen amerıkandyq ákimshiliktiń basqa resmı tulǵalary Saýd Arabııasy men basqa elder Ámirlikter jolyna túsetinin kútip otyr.

Eske sala ketsek, 13 tamyzda BAÁ men Izraıl aldaǵy ýaqytta elder arasynda qatynastardy retteý týraly kelisimge qol qoıý nıeti týraly habarlady. AQSh prezıdenti D.Tramp buny «bizdiń eki uly dostarymyz arasyndaǵy tarıhı beıbit kelisim» dep sıpattap, «úlken ilgerileý» dep ataǵan.

Palestına ákimshiligi buǵan jaýap retinde kelisimdi qabyl almaı, narazylyq retinde Ábý-Dabıdegi Elshisin qaıtaryp aldy. Buǵan deıin Izraıldiń Taıaý Shyǵys elderi arasynda tek Mysyr jáne Iordanııamen ǵana beıbit kelisimderi bolǵan.