BAÁ kompanııasy Jambyl oblysynda jel elektr stantsııalaryn salady

ASTANA. QazAqparat – Qazaqstannyń Birikken Arab Ámirlikterindegi Elshisi Madııar Meńilbekov «Masdar» kompanııasynyń Bas atqarýshy dırektory Muhammed ál-Ramahımen kezdesti. Kelissóz barysynda taraptar kompanııanyń Jambyl oblysynda jel elektr stantsııalaryn salý josparyn rastady, dep habarlaıdy QazAqparat Syrtqy ister mınıstrliginiń baspasóz qyzmetine silteme jasap.

Kezdesý sońynda taraptar osy jyldyń 8-9 maýsymynda ótetin Astana halyqaralyq forýmynda «Masdar» Qazaqstannyń memlekettik organdary júzege asyratyn jol kartasyna qol qoıady degen ýaǵdalastyqqa qol jetkizdi.

Aıta keteıik, 2006 jyly qurylǵan «Masdar» kompanııasy jańartylatyn energııa kózderi jáne turaqty damý salasyndaǵy álemdik kóshbasshy bolyp sanalady.