BAÁ Qazaqstannyń energetıka salasyna ınvestıtsııany arttyrýdy kózdep otyr

<p>ALMATY. KAZINFORM - Birikken Arab Ámirlikteri jańartylatyn energııa kózderin damytý salasynda 48 memleketpen, onyń ishinde Qazaqstanmen de birlese jumys isteıdi. Bul týraly BAÁ energetıka mınıstri Sýheıl ál-Mazrýı Almatyda ótken KIOGE konferentsııasynda aıtty.&nbsp;</p>

BAÁ energetıka mınıstriniń aıtýynsha, álemde munaı men gaz sııaqty dástúrli energııa kózderimen qatar jańartylatyn energııa kózderiniń mańyzy artyp keledi.

- Búgingi tańda biz jańartylatyn energııa kózderin damytýǵa 40 elde 20 mıllıard dollardan astam ınvestıtsııa salýdy kózdep otyrmyz. Biz Qazaqstanmen birge kem degende 1 GVt jasyl energııa óndirý boıynsha jumys istep jatqanymyzǵa qýanyshtymyz, - dedi ol.

Onyń aıtýynsha, BAÁ-de energııanyń shamamen 28%-y jasyl kózderden, sonyń ishinde atom elektr stantsııalary men 6 GVt jańartylatyn energııa kózderinen keledi. Arab memleketinde bul kórsetkishterdi ulǵaıtyp, 2030 jylǵa qaraı 14 GVt-tan astam kún energııasyn óndirý josparlanǵan.

Sondaı-aq, ol BAÁ men Qazaqstan Kaspııdegi birikken jumystan bólek, energetıkalyq ónimderdi úzdiksiz jetkizýdi qamtamasyz etý úshin Qazaqstan men Ázerbaıjan arasyndaǵy logıstıkalyq tizbekterdi uıymdastyra alǵanyn atap ótti. 

- Biz munaı men gaz óndirýdi qamtamasyz etip qana qoımaı, jańartylatyn energııa kózderin, ásirese Qazaqstanda damytqymyz keledi, - dedi Sýheıl ál-Mazrýı.

Eske salaıyq, buǵan deıin Germanııa Qazaqstannan munaı eksportyn eki ese arttyrýdy surap otyrǵanyn jazǵanbyz.