BAÁ-degi elshi keńesshisiniń áıeli Karına Mamash daǵdarys ortalyǵynda

<p>ASTANA. KAZINFORM &ndash; Karına qazirgi tańda daǵdarys ortalyqtarynyń birinde. Onyń páteri bar, alaıda qazir onda Sáken Mamashtyń týystary turyp jatyr. Bul týraly Dına Smaılova&nbsp;<a href="https://www.instagram.com/p/C6t2OaoCe4E/?igsh=OGcxZGdveml1bGVl" target="_blank" rel="noopener">Instagram </a>áleýmettik jelisindegi qordyń paraqshasyna jazdy.&nbsp;</p>

«Biz Karınanyń anasymen baılanystamyz. Karınany tergeýge alǵan. Anasynyń sózinshe oǵan júıesiz suraqtar qoıǵan. Máselen, «Siz bálkim mas bolǵan shyǵarsyz», «Jeke advokatyńyz bar ma», «Qazir sizge qoldaý kórsetken bireý bar ma» degen syńaıly saýaldar qoıylǵan», — dep jazdy Dına Smaılova.

Onyń sózinshe, qor Karınaǵa advokat taýyp bergen. Jospar boıynsha 10 mamyr kúni jumysqa kirisýi tıis. Advokat tabylǵanyn anasyna habarlaǵan, alaıdy Karınanyń ózinen áli esh habar ala almaǵan. Bul is qordyń baqylaýynda. Ári qaraı Karınanyń ózinen jaýap kútip otyrǵany aıtylǵan.

«Karına Qazaqstanǵa balalarymen birge ushyp kelgen. Onyń anasy men ápkesi de daǵdarys ortalyǵyna ornalastyrylǵan. Anasy Reseı Federatsııasynan ushyp keldi. Karına balalarymen birge ózge daǵdarys ortalyǵyna jatqyzylsa, anasy men ápkesi basqa ortalyqta. Daǵdarys ortalyǵy degen bul — qonaq úı nemese jatahana da emes. Qor mamandary osyndaı daǵdarys ortalyǵyna tipti jıyrma adamǵa deıin ornalastyrǵan jaǵdaıǵa kýá bolǵan», — dep jazǵan qordyń paraqshasyna.