BAÁ-de munaı-gaz jobalary talqylandy

«QazMunaıGaz» UK AQ Basqarma tóraǵasy Maǵzum Myrzaǵalıev Abý-Dabıge (BAÁ) jumys saparymen baryp, Abu Dhabi Ports bas dırektory Mohamed Djýma Al-Shamsımen kezdesti.

Qyzmet sapary barysynda QMG basshysy 2012 jyly paıdalanýǵa berilgen Abu Dhabi Ports kompanııasynyń Khalifa tereń teńiz portyna, sondaı-aq teńiz operatsııalaryn qoldaý bazasyna bardy.

Jıynda eki tarap teńiz jáne jaǵalaýdaǵy júk tasymaly, Kaspıı aımaǵyndaǵy saýda flotyn damytý jáne ınvestıtsııa tartý salasyndaǵy ekijaqty yntymaqtastyq máselelerin talqylady.

Sonymen qtar, QMG men Abu Dhabi Ports Kaspıı teńizindegi iri teńiz munaı-gaz jobalaryna qyzmet kórsetý boıynsha yntymaqtastyq ornatý múmkindikterine toqtaldy. Aıta keteıik,

Abu Dhabi Ports – Birikken Arab Ámirlikteriniń port, ónerkásiptik jáne logıstıkalyq operatory. Ol óz aımaǵyndaǵy negizgi sektorlardy qamtıtyn iri kásiporyndary bar holdıng sanalady. Tek BAÁ men Gvıneıada 11 port pen termınalǵa, 550 sharshy shaqyrymnan astam óndiristik aımaqqa ıelik etedi.