BAÁ-de Qazaqstannyń saýda úıi ashyldy
Saýda mıssııasy aıasynda Dýbaı EKSPO 2020 alańynda Qazaqstan-Ámirlikter iskerlik forýmy ótti. Іs-sharaǵa eki eldiń eki júzden astam kompanııasy, sondaı-aq qurmetti qonaqtar qatysty: Birikken Arab Ámirlikteriniń Qazaqstan Respýblıkasyndaǵy Tótenshe jáne Ókiletti Elshisi Muhammed Saıd Muhammed Ál-Arıkı, BAÁ Saýda-ónerkásip palatalary Federatsııasynyń Bas hatshysy - BAÁ Halyqaralyq saýda palatasynyń tóraǵasy Hýmaıda Mohameda Ben Salem, BAÁ Investorlar keńesiniń Bas hatshysy Djamal Saıf Al Jarvan, Dýbaı palatasynyń Óńirlik dırektory Abdýlla Baker
Forým jumysyn ashqan Arman Shaqqalıev Dýbaıdyń saýda palatasyna saýda mıssııasyn uıymdastyrýǵa jáne BAÁ-niń alǵashqy Іskerlik Keńesin ótkizýge qoldaý kórsetkeni úshin alǵysyn bildirdi. Ol Ámirlikter Qazaqstannyń Taıaý Shyǵystaǵy iri saýda seriktesi bolyp tabylatynyn atap ótti.
«Salyqsyz júıeniń, myqty ekonomıkanyń jáne BAÁ-de qazaqstandyq taýarlarǵa suranystyń arqasynda Ámirlikter qazaqstandyq bıznesmender úshin eń tanymal baǵyttardyń biri bolyp tabylady», - dedi Arman Shaqqalıev.
Ótken jyldyń qorytyndysy boıynsha bizdiń elderimiz arasyndaǵy taýar aınalymy 328,9 mln dollardy qurady, onyń ishinde qazaqstandyq eksporttyń úlesi 210,3 mln dollar, BAÁ-den ımporttyń úlesi 118,6 mln dollar quraıdy. Aıtarlyqtaı saýda-ekonomıkalyq áleýetti eskere otyryp, Qazaqstan men Ámirlikter saýda kólemin 1 mlrd dollarǵa deıin arttyra alady. Otandyq kásiporyndar Shyǵanaq elderiniń naryǵyna organıkalyq aýyl sharýashylyǵy ónimderin jetkizýdi arttyrýǵa daıyn. Sonymen qatar, Qazaqstan AÓK salasynda ámirlik kompanııalarymen yntymaqtasýǵa múddeli.
«Biz aýyl sharýashylyǵy salasyndaǵy seriktestikti quptaımyz,
sondaı-aq ámirlik kompanııalaryn organıkalyq tamaq ónimderin óndirýge ınvestıtsııa salýǵa shaqyramyz. Qazaqstan Úkimeti eksportqa baǵdarlanǵan jobalar úshin ınvestıtsııalyq preferentsııalar paketin qarastyratyn qaýipsiz jáne turaqty ınvestıtsııalyq ortaǵa kepildik berdi», - dep atap ótti Qazaqstannyń saýda jáne ıntegratsııa mınıstri.
«BAÁ men Qazaqstan yntymaqtastyq úshin úlken perspektıvaǵa ıe, mınıstr myrza belgilegen baǵyttar biz úshin basymdyqty jáne biz ekijaqty qarym-qatynastardy damytýǵa járdemdesýge daıynbyz. Bıznes úshin dıalog alańdar quryldy, siz iske qosqan saýda úıi bizdiń kompanııalar arasyndaǵy jańa jobalardy bastaýǵa múmkindik beredi», - dedi joǵary mártebeli Ben Salem myrza.
BAÁ naryǵyna otandyq taýarlar men qyzmetterdiń tartymdylyǵyn arttyrý jáne ilgeriletý úshin Dýbaı EKSPO-daǵy ulttyq pavılonda QazTrade, QR Saýda jáne ıntegratsııa mınıstrligi, BAÁ-degi Qazaqstan elshiliginiń qoldaýymen Qazaqstannyń Saýda úıi ashyldy.
Bul alań Qazaqstan men BAÁ bıznes-ortasyn biriktirip, saýdany, sondaı-aq ІT, munaı servısi salasyndaǵy birlesken jobalardy odan ári damytý úshin berik negiz quradıy.
Pavılonnyń ınfraqurylymy kásipkerlerge 2024 jyldyń sońyna deıin óteýsiz negizde usynylady. Saýda úıiniń birinshi qabatynda qazaqstandyq taýarlardyń shoý-rýmy ornalasady. Ekinshi qabatta Qaz Steppe Innovation Hub kovorkıngi iske qosylady, onda Qazaqstannyń ozyq startap-jobalary kórsetildei.
Bıznes-forým alańdarynda QazTrade qoldaýymen B2B kelissózderi ótti, oǵan 60 qazaqstandyq azyq-túlik, hımııa ónerkásibi, IT-qyzmetter, qurylys salasy jáne t.b. óndirýshiler qatysty.
Іskerlik kezdesýlerdiń qorytyndysy boıynsha kásipkerler 28,6 mln dollarǵa eksporttyq kelisimsharttarǵa qol qoıdy. Bul, atap aıtqanda, et ónimderin, bekire ýyldyryǵyn, maqsary maıyn, býyp-túıilgen kúrishti jetkizýge arnalǵan sharttar.
Іskerlik forým sheńberinde Qazaqstannyń Syrtqy saýda Palatasy men BAÁ Saýda-Ónerkásip Palatalary Federatsııasy arasynda ózara túsinistik týraly jáne Qazaqstan– Ámirliktiń Birlesken Іskerlik keńesin qurý týraly memorandým jasaldy.