BAÁ-de 168 el jańartylatyn energııa kózderi máselesin talqylady
Halyqaralyq agenttik (IRENA) assambleıasynyń sessııasynda jańartylatyn energııa kózderi máselesi talqylandy. Oǵan 168 eldiń delegattary qatysty.
Assambleıanyń plenarlyq sessııasynda baıandama jasaı otyryp, energetıka vıtse-mınıstri Jandos Nurmaǵanbetov Qazaqstan halyqaralyq qoǵamdastyqpen qatar jańartylatyn energııa kózderin damytýǵa úlken kóńil bóletinin, 2060 jylǵa qaraı kómirtekti beıtarap el bolýǵa umtylatynyn málimdedi. Budan bólek Qazaqstan turaqty damý maqsattaryna, Parıj kelisimi boıynsha mindettemelerdi oryndaýǵa mindettenedi jáne uzaq merzimdi perspektıvada energııa kózderin ártaraptandyratyn bolady.
Forým jumysyna qatysý aıasynda qazaqstandyq delegatsııa IRENA basshylyǵymen ekijaqty kezdesý ótkizdi. Onyń barysynda Qazaqstanda Ortalyq Azııa elderi boıynsha semınar uıymdastyrý týraly másele talqylandy. Semınar kórshi elderdiń energetıkalyq aýysýdy jedeldetý jáne óńirdiń aýqymdy jańartylatyn resýrstaryn paıdalaný jónindegi birlesken kúsh-jigerine arnalǵan.
Foto: :gov.kz