BA.5 omıkron-shtamy kóbine testpen anyqtalmaıdy - Kalıfornııa ýnıversıtetiniń dárigeri

NUR-SULTAN. QazAqparat - Kalıfornııa ýnıversıtetiniń dárigeri koronavırýstyń BA.5 omıkron-shtammy kóbinese testpen anyqtalmaıtynyn, ol jalǵan teris nátıje beretinin málimdedi, dep habarlaıdy QazAqparat.

COVID-19 taralýyna jol bermeý jónindegi vedomstvoaralyq komıssııanyń jazýynsha, bul ony erte kezeńde dıagnostıkalaýdy qıyndatady. Oǵan tamaqtyń qatty aýrýy tán.

Dáriger bul shtamm eń juqpaly bolýy múmkin ekenin atap ótti. Kontagıozdigi boıynsha basqa shtamdardan kem degende 20%-ke asyp túsedi.

Vırýs neǵurlym juqpaly bolsa, ony ásirese kópshilik arasynda juqtyrý ońaı. Sarapshylardyń paıymynsha, adamzat koronavırýs adamdarmen máńgi qalady degen oıǵa úırenýi kerek, sondyqtan bul ınfektsııa barlyq jańa kishi túrlerine ushyramaý úshin ony vaktsınatsııalaý kerek.

Al japondyqtardyń jartysynan kóbi koronavırýstyń jetinshi tolqynyna baılanysty shekteýler engizýdi jaqtaıdy.

Zertteýge sáıkes, respondentterdiń 22 %-i shekteýlerdi qoldady, taǵy 35 %-i belgili bir dárejede osy qajettilikpen kelisti. 13 %-i shekteýlerge múldem qarsy, 24 %-i belgili bir dárejede qarsy.

Saýalnama 16 shildeden bastap úsh kún ishinde 1216 adam arasynda telefon arqyly kezdeısoq kompıýterlik irikteý ádisimen júrgizildi.

Sońǵy birneshe kúnde Kúnshyǵys elinde kovıdtiń jańa jaǵdaılarynyń sany boıynsha 100 myńnan birneshe ret asyp ketti. Ótken senbide ınfektsııalar sany jańa kúndik antırekord ornatyldy.