B.Jumaǵulov respýblıkadaǵy úzdik ustazdardyń tájirıbesin jarııalaıtyn ınternet-basylym ashýdy usyndy
Osyǵan baılanysty «Ustaz dańqynyń kitaby» dep atalatyn ınternet-basylym ashýdy usynamyn, onda jyl saıyn respýblıkadaǵy eń úzdik muǵalimder jaıly málimet, olardyń sýretteri, olardyń ómirlik tájirıbeleri sııaqty aqparattar engizilip otyrady», - dep málim etti Astanada «Otbasy, mektep, qoǵam - ıgilikti bolashaq úshin birge!» respýblıkalyq pedagogıkalyq forýmy barysynda QR Bilim jáne Ǵylym mınıstri Baqytjan Jumaǵulov.
«Qoljetimdi ınternettegi osyndaı kitap bizdiń úzdik ustazdarymyz ben pedagogıkalyq tájirıbeni nasıhattaýdyń jańa tetigine aınalar edi. Sizder bul usynysty quptaısyzdar dep úmittenemin», - dedi B.Jumaǵulov.
B.Jumaǵulov Qazaqstanda jyl saıyn «Jyl ustazy» baıqaý ótkizilip otyratynyn atap ótti. «Bul óte jaqsy is jáne de marapatqa laıyqty muǵalimder ǵana madaqtalady. Alaıda ol ustazdar jaıly tolyq aqparatty qazir ǵalamtordyń ózinen taba almaısyń. Bul jaǵdaıdy túzetý kerek - qoǵam óziniń eń úzdik ustazdaryn tanýy kerek», - dep málim etti mınıstr.