B.Jámishev «Qazaqstan Damý Banki» Basqarma tóraǵasy bolyp taǵaıyndaldy

ASTANA. QazAqparat - «Báıterek» ulttyq basqarýshy holdıngi» AQ Basqarma tóraǵasy Qýandyq Bıshimbaev «Qazaqstan Damý Banki» AQ ujymyna jańa basshy - buǵan deıin Qazaqstan Respýblıkasynyń óńirlik damý mınıstri bolyp kelgen Bolat Jámishevti tanystyrdy, dep habarlady «Báıterek» UBH baspasóz qyzmetinen.

Bolat Jámishevtiń kandıdatýrasy Qazaqstan Damý Bankiniń dırektorlar Keńesi otyrysynda maquldandy. Aıta keteıik, Qazaqstan Damý Bankindegi kadrlyq ózgerister 2014 jylǵy 6 tamyz kúni ótken memlekettik basqarý júıesin reformalaýdan keıin bastaldy. Damý Banki - memlekettiń sheshýshi damý ınstıtýty jáne eldegi ınvestıtsııalyq jáne nesıelik qyzmette mańyzdy oryn alady.