Bıyl memlekettik eńbek ınspektorlary 35 myńnan astam jumyskerdiń quqyǵyn qorǵady

NUR-SULTAN. QazAqparat - Memlekettik eńbek ınspektorlary eńbek jalaqysyn tóleý bereshegi bar 35 myńnan astam jumyskerdiń quqyǵyn qorǵady. Bul týraly QR Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Baspasóz málimetterine qaraǵanda, olarǵa 4,7 mlrd teńge tólendi.

2019 jyly respýblıkanyń 1594 kásipornynda memlekettik eńbek ınspektorlary 36,6 myń jumyskerdiń aldynda 5,3 mlrd.teńgege jýyq jalaqy boıynsha bereshekterin anyqtady.

Atalǵan kásiporyndardyń basshylaryna oryndaýǵa mindetti 1 178 uıǵarym berilip, 123,3 mln.teńgeden astam aıyppul salyndy.

Qabyldanǵan sharalar, onyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 35 myńnan astam qyzmetkerdiń quqyqtary qorǵaldy. Olarǵa 4,7 mlrd teńge tólendi.

Jalpy, aǵymdaǵy jyl basynan beri memlekettik eńbek ınspektorlary 6 443 tekserý júrgizdi, QR eńbek zańnamasynyń 8,9 myńnan astam túrli zańbuzýshylyqtary anyqtalyp, 253 mln. teńge kóleminde aıyppul salyndy.