B. Saparbaev: «Jumyspen qamtý jol kartasy» Qazaqstanda jumys oryndaryn saqtaýǵa múmkindik berip jatyr

ASTANA. QazAqparat - «Jumyspen qamtý jol kartasy» Qazaqstanda jumys oryndaryn saqtaýǵa múmkindik berip jatyr. Bul týraly búgin Astana ekonomıkalyq forýmynda QR Premer-Mınıstriniń orynbasary Berdibek Saparbaev málim etti.

«2007 jyly Qazaqstanda «Jumyspen qamtý jol kartasy» qabyldanyp, ol daǵdarys kezinde halyqtyń eńbekpen qamtylýyn qamtamasyz etti. Sol kezde elimizde jumyssyzdar sany 1 mıllıon adamǵa jetedi dep boljanǵan edi. Alaıda, Qazaqstan Prezıdentiniń tapsyrmasy boıynsha Úkimet tarapynan qabyldanǵan sharalar buǵan jol bermeýge múmkindikterdi ashty. Esterińizde bolsa, sol ýaqyttaǵy daǵdarys kezinde kóptegen elderde iri kásiporyndar jabylyp, myńdaǵan adamdar jumyssyz qalyp jatty. Qazaqstanda bundaıǵa jol berilmedi. Qazirgi kezde de jumys oryndaryn saqtaý men baǵdarlamalardy júzege asyrý baǵytynda «Jol kartasy» mańyzdy róldi atqarýda»,- dedi B. Saparbaev.

Osy oraıda Úkimet basshysynyń orynbasary álemdik ekonomıkadaǵy kúrdeli ahýaldy eskergende, Qazaqstandaǵy 5 paıyz kólemindegi jumyssyzdyq deńgeıi joǵary emes ekendigin jetkizdi. Búginde keıbir elderde jumyssyzdyq deńgeıi 10-nan 20 paıyzǵa deıin jetti.