B.Saparbaev QR-da tilderdi damytý salasyndaǵy jetistikterdi taldaý qajettigin atap ótti

ASTANA. QazAqparat - Qazaqstandaǵy tilderdi damytý salasyndaǵy qyzmet nátıjelerin taldap, úsh tildilikti óristetý úshin rezervterdi aıqyndaý qajet, dep atap ótti búgin QR Premer-Mınıstriniń orynbasary Berdibek Saparbaev «Til - kelisim negizi» atty respýblıkalyq semınarda. Bul týraly primeminister.kz saıty habarlady.

«Biz bul semınardy búgingi kúnge deıin úsh tildi meńgerýdi damytý turǵysynan jasalǵan jumystardy taldaý úshin, osy baǵytta qandaı rezervter men múmkindikter bar ekenin anyqtaý úshin ótkizemiz», - dedi B.Saparbaev.

Esterińizge salsaq, 1997 jyly Qazaqstanda tilderdi damytý týraly «Qazaqstan Respýblıkasyndaǵy tilder týraly» Zań qabyldanǵan bolatyn. 1998 jyldan bastap Tilderdi qoldaný men damytýdyń memlekettik baǵdarlamasy júzege asyrylyp keledi.

«Úsh tildi erkin meńgergen adamdardyń sanyn arttyrýǵa qol jetkizýimiz kerek, sonda Prezıdenttiń tapsyrmasyn oryndadyq dep aıta alamyz», - dep tolyqtyrdy B.Saparbaev.

Aldynda habarlaǵandaı, Nur Otan partııasynyń XVI sezdinde Qazaqstan Prezıdenti Nursultan Nazarbaev bes ınstıtýttsıonaldyq reformany jarııalaı otyryp, Qazaqstanda úsh tildi - qazaq, orys jáne aǵylshyn tilderin basymdyqty damytý qajettigin basa aıtty.

«Tilderdiń úshbirligin - qazaq, orys jáne aǵylshyn tilderin damytý - bul qoǵamdy shoǵyrlandyrýdyń, onyń básekege qabilettiligin arttyrýdyń kepili», - dedi Memleket basshysy.