B. Saparbaev eki mınıstrlikke sporttyq nysandardy jastar úshin tıimdi paıdalanýdyń kestesin jasaýdy tapsyrdy

ASTANA. QazAqparat - Bilim jáne ǵylym mınıstrligi Mádenıet jáne sport mınıstrligimen birlese sporttyq nysandardy jastar úshin tıimdi paıdalanýdyń kestesin jasaýy kerek. Bul týraly búgin Astanada QR Bilim jáne ǵylym mınıstrliginiń alqa májilisinde QR Premer-Mınıstriniń orynbasary Berdibek Saparbaev málim etti.

«Biz balalardyń bos ýaqytyn tıimdi ótkizýine mán berýimiz kerek. Jyl saıyn túrli sport zaldardy, óner zaldaryn salýdamyz. Bilim jáne ǵylym mınıstrligi Mádenıet jáne sport mınıstrligimen birlese otyryp, osy nysandardy keńinen paıdalanýdyń kestesin nege jasamaıdy? Kóptegen eldi mekenderde sporttyq nysandar salynýda, sondaı-aq barlyq aýyldarda klýbtar qalpyna keltirildi. Sondyqtan bul nysandar balalar men jastardyń ıgiligine keńinen paıdalanylýy kerek»,-dedi vıtse-premer.

Osy oraıda ol sporttyq jáne mádenı nysandarǵa jastardy tartý arqyly qoǵamdaǵy quqyq buzýshylyqty aıtarlyqtaı tómendetýge bolatyndyǵyn atap ótti.