B.Saparbaev balalar men jastar úshin sporttyq nysandardyń tarıfin qaıta qarastyrýdy tapsyrdy

ASTANA. QazAqparat - Balalar men jastar úshin sporttyq jáne mádenı nysandardyń tarıfin qaıta qarastyrý kerek. Bul tapsyrmany búgin elorda ákimdiginde turǵyndardyń áleýmettik áleýeti máselesine arnalǵan keńeste QR Premer-Mınıstriniń orynbasary Berdibek Saparbaev júktedi.

«Sońǵy jyldary Prezıdenttiń tapsyrmasy boıynsha birqatar áleýmettik nysandar salyndy. Olardyń arasynda Ulttyq mýzeı, kitaphana, velotrek, stadıondar jáne basqa da mańyzdy nysandar paıdalanýǵa berildi. Endi negizgi maqsat - mınıstrliktermen birlese sporttyq jáne mádenı nysandardyń qyzmetterimen barsha halyqty keńinen qamtyp, qoljetimdilikti qamtamasyz etý. Ásirese, bul turǵyda balalar men jastarǵa qoljetimdi bolýy tıis», - dedi Premer-Mınıstrdiń orynbasary.

Osy oraıda B.Saparbaev osy nysandarǵa barýdyń tıimdi kestesin ázirleýdi jáne atalǵan sanattaǵylar úshin tarıfterdi qaıta qarastyrýdy tapsyrdy.