B. Saǵyntaev membaǵdarlamalardyń oryndalmaýyna jaýapty qyzmettik tulǵalardy jazalaý týraly aqparat berýdi tapsyrdy
Bul týraly Úkimet basshysynyń baspasóz qyzmetinen habarlady.
Qazaqstan Prezıdenti Nursultan Nazarbaev strategııalyq jáne baǵdarlamalyq qujattardyń oryndalmaýyna baılanysty taldaý júrgizip, jospardyń júzege asyrylmaýyna jaýapty tulǵalardy jazaǵa tartý, sondaı-aq baǵdarlamalardyń sanyn qysqartý týraly tapsyrma bergen bolatyn.
Jıynda Nátıjelerge baǵdarlanǵan memlekettik josparlaý júıesin jetildirý tujyrymdamasy, Qazaqstannyń álemniń eń damyǵan 30 memleketiniń qataryna kirýi jónindegi tujyrymdamasy, Ulttyq qorynyń qarajatyn qalyptastyrý jáne paıdalaný tujyrymdamasy, Damýǵa resmı kómek salasyndaǵy tujyrymdama, Jańa bıýdjet saıasatynyń tujyrymdamasy, kólik júıesiniń ınfraqurylymyn damytýdyń jáne yqpaldastyrýdyń 2020 jylǵa deıingi memlekettik baǵdarlamasy, «Aqparattyq Qazaqstan - 2020» jáne Innovatsııalyq damý tujyrymdamasy sekildi baǵdarlamalyq qujattardy júzege asyrý barysy qaraldy.
2014-2016 jyldary Qazaqstannyń sý resýrstaryn basqarý memlekettik baǵdarlamasyn, Qazaqstannyń «jasyl ekonomıkaǵa» ótý kontseptsııasyn, 2011-2020 jyldarǵa arnalǵan bilim berýdi damytý memlekettik baǵdarlamalaryn, 2011-2015 jyldarǵa arnalǵan «Salamatty Qazaqstan» densaýlyqty saqtaýdy damytý baǵdarlamalaryn, 2011-2020 jyldarǵa arnalǵan tilderdi damytý jáne qyzmet etýdi, 2014-2020 jyldary quqyq qorǵaý júıesin odan ári jańǵyrtýdy, 2010-2020 jyldarǵa arnalǵan quqyqtyq saıasat kontseptsııasyn oryndaý máseleleri de qarastyryldy.
Jıyn qorytyndysy boıynsha Baqytjan Saǵyntaev 1 maýsymǵa deıin Úkimetke baǵdarlamalyq qujattar boıynsha sharalardy oryndalmaýyna jaýapty qyzmettik tulǵalardy jazalaý týraly aqparat berýdi tapsyrdy.