B.Ótemuratov «Temirbank» AQ-nyń baqylaýshy aktsıoneri boldy
Qor baspasóz qyzmetiniń habarlaýynsha, qosymsha «Temirbank» AQ 2010-2012 jyldardaǵy bólinbegen paıda esebinen «Samuryq-Qazyna» AQ-na 9,1 mlrd. teńge mólsherinde dıvıdendter tóledi. Mámileniń nátıjesinde «Samuryq-Qazyna» AQ 51paıyz jaı jáne artyqshylyqty aktsııalarymen «Alıans Bank» AQ aktsııalarynyń baqylaý paketin saqtap qalady, al Bolat Ótemuratov «Temirbank» AQ-da baqylaýshy aktsıoner bolady. Retteýshi organdardan eki mámileni tıisinshe maquldaý 2014 jylǵy 20 naýryzda alyndy.
«Memleket basshysynyń tapsyrmasyna sáıkes júzege asyrylatyn bankterdiń aktsııalaryn satý qarjy sektoryn turaqtandyrý bóliginde daǵdarysqa qarsy baǵdarlamanyń kezekti qadamy bolyp tabylady. Ol «Samuryq-Qazyna» qoryn bankterdi basqarý jónindegi ózine tán emes fýnktsııalardan bosatady. Tutastaı alǵanda, qarjy ınstıtýttaryn berý qarjy naryǵyna oń yqpal etedi, táýelsizdik beredi jáne Qazaqstannyń banktik sektoryn damytýda bankterdiń jańa menshiktenýshileriniń birshama belsendi qatysýyna járdemdesetin bolady», dep atap kórsetti «Samuryq-Qazyna» AQ Basqarma tóraǵasynyń orynbasary Elena Bahmýtova.
Bolat Ótemuratovtyń atap ótýinshe, «Temirbank» aktsııalarynyń baqylaý paketin jáne «Alıans Bank» aktsııalarynyń mınorıtarlyq paketin satyp alý boıynsha mámilelerdi aıaqtaý osy bankterdi qalpyna keltirý protsesinde basty qadam bolyp tabylady. «Temirbank» basshylyǵynyń aldynda kórsetiletin qyzmetter sapasyn jaqsartý jáne bıznes strategııany oryndaý boıynsha naqty mindetter qoıyldy.
«Men taıaýdaǵy bolashaqta banktiń klıentteri osy bankpen ózara qarym-qatynastar retinde aıtarlyqtaı jaqsarǵanyn sezinedi dep kútemin. «Alıans Bankke» qatysty «Samuryq-Qazyna» qorymen birlesip, Banktiń kapıtalyn ornyqty túrde qalpyna keltirý maqsatynda onyń syrtqy mindettemelerin qaıta qurylymdaý boıynsha bank kredıtorlarynyń ókilderimen muqııat jáne jan-jaqty kelissózder júrgizilýde. Óz tarapymnan, men «Temirbanktiń» kapıtalyn quıý jáne olardy bolashaqta qosý jolymen «Alıans Bankin» qalyp keltirýge qatysýǵa daıynmyn», - dedi ol.
Onyń atap ótýinshe, «Samuryq-Qazyna» qory osyndaı biriktirilgen bankti eleýli kólemde uzaq merzimdi qor jasaýymen qoldaýǵa nıet bildirip otyr. Sonymen qatar «Alıans Banktiń» kapıtalyn qalpyna keltirý onyń odan arǵy bolashaǵyn qamtamasyz etý úshin qajetti osy úderiske qatysý kóp dárejede kredıtorlardyń tilegine baılanysty.
«Biz tabysty nátıjelerge qol jetkizý úshin kredıtorlarmen kelissózderge barlyq kúsh-jigerimizdi jumsaımyz. Bul «Alıans Bank» jáne «Temirbank» biriktirý úshin negizgi talap bolyp tabylady. «Temirbankke» eleýli qarajat pen kúsh-jiger ınvestıtsııalanǵan, sondyqtan biriktirilgen bank tolyq baǵaly ómirge ıkemdi bolý múmkindigine ıe bolýy tıis. Men «Alıans Bank» qaıta qurylymdaýdy jáne «Temirbankpen» biriktirý úderisin aıaqtaǵannan keıin biriktirilgen bank kapıtaldyń jetkiliktiligi jáne ótimdilik deńgeıi boıynsha Qazaqstannyń banktik júıesi kóshbasshylarynyń biri bolatynyna senemin»,- dedi B.Ótemuratov.
«Samuryq-Qazyna» AQ osymen «Temirbank» AQ aktsıonerleri men kredıtorlaryn qosa alǵanda, barlyq múddeli taraptarǵa mámile jasaý kúninde «Temirbank» AQ qaıta qurylymdaý aıasynda qabyldanǵan «Samuryq-Qazyna» AQ barlyq mindettemeleriniń qoldanysy toqtatylǵany týraly habarlady.