B.Qudasbaeva «Aýyl sharýashylyǵyn qarjylaı qoldaý qory» AQ basqa tóraǵasynyń orynbasary qyzmetine saılandy

 ASTANA. 20 qarasha. QazAqparat - «Aýyl sharýashylyǵyn qarjylaı qoldaý qory» AQ dırektorlar keńesiniń 20012 jylǵy 19 qarashadaǵy sheshimimen Baqyt Eskendirqyzy Qudasbaeva qordyń basqarma tóraǵasynyń orynbasary bolyp saılandy. Bul týraly qordyń baspasóz qyzmetinen habarlady.

B.Qudasbaeva Tselınograd aýyl sharýashylyǵy ınstıtýtyn «ekonomıst-uıymdastyrýshy» mamandyǵy boıynsha bitirdi. Eńbek jolyn Tselınograd oblysynda aýdandyq aýyl sharýashylyǵy basqarmasynyń mamany bolyp bastaǵan. 1994-2009 jyldary bank salasynda jumys istedi - «Qazaqstannyń Halyq Banki» AQ aýdandyq fılıalynyń basqarýshysy, Soltústik Qazaqstan oblystyq fılıal dırektorynyń orynbasary, «ATF Banki» AQ oblystyq fılıalynyń basqarma bastyǵy, dırektorynyń orynbasary, «Alıans Bank» AQ Astana qalalyq fılıalynyń dırektory qyzmetterin atqarǵan.

2009 jyldan bastap «QazAgro» holdınginde jumys jasady - «QazAgro» UBH» AQ departament dırektorynyń orynbasary, «Agrarlyq nesıe korporatsııasy» AQ basqarma tóraǵasynyń orynbasary, «QazAgro» UBH» AQ basqarýshy dırektory - basqarma múshesi boldy. «QazAgroÓnim» AQ Dırektorlar keńesiniń tóraıymy, «QazAgroQarjy» AQ jáne «Agrarlyq nesıe korporatsııasy» AQ Dırektorlar keńesiniń múshesi.

 «Aýyl sharýashylyǵyn qarjylaı qoldaý qory» AQ - «QazAgro» Ulttyq basqarýshy holdıngi» AQ quramyna kiretin kompanııa. Negizgi maqsaty - tıimdi shaǵyn nesıelendirý júıesin damytý arqyly aýyldaǵy kásipkerlikti damytý jáne halyqtyń ál-aýqatyn jaqsartý bolyp tabylady. 2005 jyldan bastap Qor aýyl turǵyndaryn shaǵyn nesıeleýdi júzege asyrady.