«B» korpýsyndaǵy memqyzmetshi joǵary laýazymǵa konkýrstyq irikteýsiz taǵaıyndalady

ASTANA. QazAqparat – Memlekettik qyzmetshilerdi «B» korpýsynyń joǵary laýazymdaryna konkýrstyq irikteýsiz tikeleı taǵaıyndaý tártibi engizildi. Bul týraly Ortalyq kommýnıkatsııalar qyzmetinde ótken brıfıngide Memlekettik qyzmet isteri agenttigi tóraǵasynyń orynbasary Azamat Jolmanov málimdedi, dep habarlaıdy QazAqparat tilshisi.

Spıker memlekettik qyzmetke ornalasýdaǵy artyq kedergilerdi joıý týraly Prezıdent tapsyrmasy şeńberinde zańǵa engizilgen tıisti túzetýler týraly aıtty.

«B» korpýsynyń keıbir joǵary turǵan laýazymdaryna ýákiletti organnyń kelisimimen konkýrstyq irikteýsiz tikeleı taǵaıyndaý múmkindigi qarastyryldy. Bul jeke sektordan bilikti jáne salalyq tájirıbesi bar mamandardy tartýǵa múmkindik beredi. Jyl basynan beri agenttik osyndaı 14 taǵaıyndaýdy maquldady. Jergilikti atqarýshy organdarda, máslıhattar apparattarynda, tekserý komıssııalarynda, ortalyq memlekettik organdar men olardyń vedomstvolarynyń aýmaqtyq bólimshelerinde oqý bitirgennen keıin 1 jyl ishinde joǵary úlgerimin kórsetken (GPA) Prezıdent janyndaǵy Memlekettik basqarý akademııasynyń úzdik túlekterin memlekettik laýazymdarǵa konkýrstan tys taǵaıyndaý kózdelgen», - dedi Azamat Jolmanov.