«B» korpýsynda attestattaýdan bosatylǵan memlekettik qyzmetshiler belgili boldy
"Prezıdent Jarlyǵy boıynsha, attestattaýdan: «zeınetkerlik jasqa 2 jyl qalǵan tulǵalar, bala kútip otyrǵan nemese 3 jasqa deıingi balalary bar analar, 14 jasqa deıingi balasy bar nemese 18 jasqa deıingi múgedek balasy bar jalǵyzbasty analar bosatylǵan. Sonymen qatar, "A" korpýsynyń qoryna engizilgen memlekettik qyzmetshiler. Osy adamdar attestattaýdan ótpese de bolady", - dedi Pepenın Astanada ótken brıfıngte.
Onyń túsindirgenindeı, qazirgi ýaqytta "B" korpýsynyń ákimshilik memlekettik qyzmetshileri arasynda keshendi attestatsııa ótýde.
"Biz bul jumysty 7 aqpanda bastadyq. QR Prezıdenti janyndaǵy Joǵary attestatsııalyq komıssııa "B" korpýsynyń ákimshilik memlekettik qyzmetshilerdiń basqarýshy býyndary arasynda áńgimelesý júrgizý úshin quryldy. Olarǵa mınıstrlikterdegi departament basshylary, oblystyq basqarma basshylary, Prezıdent Ákimshiligi qyzmetshileri, Premer-Mınıstr Keńsesi, respýblıkalyq mańyzy bar qalalardyń ákimshiligi qyzmetshileri kiredi. 17 aqpanda komıssııa ortalyq organ qyzmetshileri arasynda áńgimelesý ótkizedi", - dedi ol.
Joǵary attestatsııalyq komıssııa aldynda áńgimelesý 10 naýryzǵa deıin jalǵasady. Jalpy attestattaýdan 1300 memlekettik qyzmetshi ótedi.