B.Baıbek: muǵalimder men dárigerlerdiń bedelin arttyrý qajet

ASTANA. QazAqparat - Petropavlda ÚEU ókilderimen kezdesý barysynda «Nur Otan» partııasy Tóraǵasynyń birinshi orynbasary Baýyrjan Baıbek muǵalimder men dárigerlerdiń bedelin arttyrý qajettigin aıtyp, bilim berý jáne densaýlyq saqtaý salalarynda jemqorlyq kórinisterine qarsy áreket etýge shaqyrdy, dep habarlaıdy atalmysh partııanyń baspasóz qyzmeti.

«Dárigerler men muǵalimderdiń basym kópshiligi - eń bir qıyn kezeńderde osy salalardan qol úzbeı, jumys isteýdi jalǵastyra bergen jandar. Olar elimizdiń naǵyz patrıottary. Biz olardyń bir kezdegi bedelin qaıta kóterýimiz qajet. Ol úshin para alýshylardan aramyzdy tazartýymyz kerek», - dep málimdedi B.Baıbek Soltústik Qazaqstan oblysyna jumys sapary barysynda.

«Nur Otan» partııasy Tóraǵasynyń birinshi orynbasary sonymen qatar júıelik jaǵdaılar (laıyqty eńbekaqy, jaqsy eńbek jaǵdaılary) jasaý qajettigin, «ustazdardyń esep berýmen emes, tálim berýmen shuǵyldanýyna múmkindik berýimiz kerek», - dep aıtyp ótti.

«Bıýrokratııa, qaǵazbastylyq, áýre-sarsań bar jerde, jemqorlyq áreketterge jaǵdaı týady», - dedi ol.

ÚEU kezdesýde B.Baıbek búgingi kúni «Nur Otan» partııasy músheleriniń jalpy sanynyń 20%-yn bilim berý, 11%-yn densaýlyq saqtaý salasy qyzmetkerleri qurap otyrǵanyn atap ótti.