B.Baıbek Almatynyń birqatar sporttyq jáne áleýmettik nysandaryn aralady
Ýnıversıada-2017 nysandarynda qurylys jumystary merziminde atqarylýda jáne barlyq kesteden keıin qalý kemshilikteri joıyldy, dep habarlady qala ákiminiń baspasóz qyzmeti. Nysan kesheni úsh bloktan turady. Negizgi arena: «A» blogy - - 12 myń kórermender úshin, «B» blogy - syrǵanaý muz aıdyny, hokkeıshiler úshin arena jáne deneshynyqtyrý kesheni. Ortasyna «V» blogy ornalasady: sportpen aınalysatyndar úshin basseın. Ýchaskede avtoturaq, jasyl ósimdikter bolady, barlyq aýmaq abattandyrylady.
Sondaı-aq Almaty ákimi «Nurkent» TK turǵyndarymen kezdesti, onda qala basshysy 25 qarashaǵa deıin turǵyndar problemalaryn sheshýge tapsyrma berdi. Búgingi kúni úılerde múmkindigi shekteýli adamdar úshin arnaıy kótergishter ornatyla bastady, sonymen birge ishkialańdyq jeliler (sý qubyry, káriz jáne gaz qubyry) boıynsha jumystar oryndaldy, lıftiler jumys jasaı bastady jáne kógaldandyrý jumystary júrgizildi. Sondaı-aq keshen aýmaǵynda balalar sport alańy salynýda.
Aýdan turǵyndary ákimniń ótken jolǵy saparynan keıin jumys jaqsara túskenin atap ótti jáne belsendi kómegi men qoldaýy úshin alǵys aıtty. Sonymen qatar B.Baıbek jergilikti ózin-ózi basqarý jáne PIK-pen ózara is-qımyl arqyly turǵyndardyń ózderi de jaýapkershilikterin arttyrýyna basa kóńil bóldi.
Qala boıynsha saparynyń sońynda B.Baıbek jeke kásipkerler esebinen salynǵan sport alańdarynda boldy. Shaǵyn fýtbol jáne voleıbol alańdary barlyq standarttarǵa jaýap beredi, sonymen birge qysqy ýaqytta olardy muz aıdynyna aınaldyrýǵa bolady.
«Men bizdiń Prezıdentimizdiń saıasatyn qoldap, belsene qatysyp júrgen kásipkerlerge alǵys aıtamyn, olar óz jumystarymen qatar bizdiń azamattarymyz sportpen aınalysýyna da kóńil bólýde. Ol úshin óz esebinen ishki aýlalyq aýmaqtardy jaılastyrýda, sport alańdary men oınaıtyn alańdar salýda», - dedi qala ákimi.
Eske sala keteıik, megapolıstiń áleýmettik jobalaryn kásipkerlerdiń qoldaýynyń bul biren-saran jaǵdaıy emes. Almatylyqtar men qala qonaqtary úshin jaqyn arada «krossfıt», búkil qala boıynsha «Strıt vorkaýt» úshin jańa áleýmettik sport alańdary iske qosylady.