B. Aqsholaqov «KAZENERGY» qaýymdastyǵynyń bas dırektory qyzmetine taǵaıyndaldy

ASTANA. QazAqparat - «KAZENERGY» Qazaqstan munaı-gaz jáne energetıka kesheni uıymdary qaýymdastyǵynyń Tóraǵasy T.A.Qulybaevtyń buıryǵymen Aqsholaqov Bolat Oraluly 2016 jylǵy 1 aqpannan bastap «KAZENERGY» qaýymdastyǵynyń bas dırektory qyzmetine taǵaıyndaldy. Bul týraly qaýymdastyqtyń baspasóz qyzmetinen habarlady.

Aqsholaqov Bolat Oraluly 1993 Qazaq memlekettik basqarý akademııasyn «Statıstıka» mamandyǵy boıynsha bitirdi.

1993 jyldan bastap Alem Bank Kazakhstan fılıaldar qyzmetin baqylaý departamentiniń ekonomısi, bas ekonomısi; baǵaly qaǵazdar bóliminiń, dılıngtik operatsııalar bóliminiń bastyǵy, Ortalyq Azııa yntymaqtastyq jáne damý bankiniń aktıvterdi basqarý departamentiniń dırektory; "Qazaqoıl" UMK» JAQ TShO departamentiniń menedjeri, bas menedjeri, dırektorynyń orynbasary; "QazMunaıGaz" UK» AQ BK bıznes taldaýshysy, strategııalyq josparlaý menedjeri, úlesterdi basqarý jónindegi qarjy dırektory qyzmetterinde eńbek etti.

2006 jyldan bastap QR Energetıka jáne mıneraldyq resýrstar vıtse-mınıstri, «Samuryq-Qazyna» ulttyq ál-aýqat qory» AQ basqarýshy dırektory, «QazMunaıGaz» UK AQ Dırektorlar keńesiniń múshesi, «QazMunaıGaz» UK AQ basqarýshy dırektory, «PSA» JShS bas dırektory; «QazMunaıGaz» UK AQ prezıdenti, QR munaı jáne gaz vıtse-mınıstri, 2014 jylǵy qyrkúıekten bastap - «Almex Petrochemical» JShS bas dırektory qyzmetterin atqardy.