Azyq-túlik sebetin kim ala alady

NUR-SULTAN. QazAqparat - Ortalyq kommýnıkatsııalar qyzmetindegi brıfıngide QR Eńbek jáne halyqty áleýmettik qorǵaý mınıstri Birjan Nurymbetov tótenshe jaǵdaı rejımi kezinde azyq-túlik jıyntyǵy kimderge beriletindigin túsindirdi, dep habarlaıdy QazAqparat tilshisi.

«Bıýdjet qarajaty esebinen azyq-túlik sebeti bastapqyda 460 myń adamǵa berilgen edi. Degenmen, 31 naýryzda Prezıdent ony keńeıtýdi tapsyrdy jáne respýblıkalyq bıýdjetti sońǵy naqtylaý barysynda qosymsha qarajat qarastyryldy. Qazirgi ýaqytta barlyq óńirde azyq-túlik jıyntyǵy nemese azyq-túlik jıyntyǵyna arnalǵan qarajat berilip jatyr», - dedi ol.

Mınıstrdiń dereginshe, azyq-túlik jıyntyǵy 1,243 mln adamǵa qarastyrylǵan.

«Olar myna sanattar: Kóp balaly otbasylardy, barlyq toptaǵy jáne bastaǵy múgedekterdi qosa alǵanda ataýly áleýmettik kómek alatyn az qamtylǵan azamattary múgedek balanyń kútimimen otyrǵan ata-analar, sonymen qatar jumyspen qamtý organdarynda jumyssyz retinde resmı tirkelgen tulǵalar»,- dedi Birjan Nurymbetov.

Munan bólek, onyń aıtýynsha, túrli qorlar men eriktiler de halyqtyń az qamtylǵan toptaryn azyq-túlikpen qamtýǵa kómektesip jatyr.

«Biz birgemiz» qory, elimizdiń patrıottary bar. Olar da azyq-túlik jıyntyǵymen qamtamasyz etip jatyr. Bizden áleýmettik jaǵynan az qamtylǵan azamattardyń tizimin alyp, olarǵa kómek kórsetip jatqan uıymdar da óte kóp», - dedi mınıstr.