Azyq-túlik pen shıkizat naryǵynda suranys pen usynys arasynda dısbalans bar – Ulttyq bank
«Syrtqy sektorda ınflıatsııanyń jahandyq deńgeıde ósýi úzdiksiz jalǵasyp keledi. Onyń ósýine azyq-túliktiń qymbattaýy da aıtarlyqtaı áser etedi. Bıyl naýryzda FAO azyq-túlik baǵasynyń ındeksi 1990 jyldan beri eń joǵary deńgeıge jetkenin aıtty. Ótken jyly azyq-túliktiń baǵasy 33,6%-ǵa ósti. Azyq-túliktiń álemdik baǵasy bıyl da jáne 2023 jyly da joǵary deńgeıde qalady dep kútilýde. Azyq-túlik pen shıkizat naryǵynda suranys pen usynys arasynda dısbalans baıqalady. Buǵan sebep geosaıası jaǵdaı, tyńaıtqyshtardyń joǵary baǵasy, sondaı-aq taýardy jetkizýge qatysty problemalar», - dedi Ǵalymjan Pirmatov Ulttyq bankte ótken baspasóz máslıhatynda.
Ulttyq bank basshysynyń málimetinshe, búginde munaı baǵasy da joǵary deńgeıde qalyp otyr.
«Sarapshylardyń boljamy boıynsha, munaı baǵasy 2022-2023 jyldary ortasha eseppen 90-100 dollar aralyǵyn quraıdy. Osy boljamnyń áserinen damyǵan elder ekonomıkasynda jáne saýda boıynsha áriptes elderde ınflıatsııa aıtarlyqtaı ósti. Bul ımporttalatyn ınflıatsııanyń kóterilýine yqpal etedi. Saldarynan tutynýshylyq belsendiliktiń oń serpini kezinde suranys pen usynystyń alshaqtyǵy kúsheıedi. Bul joǵary jahandyq ınflıatsııanyń basty sebepteriniń bir», - deıdi ol.
Sondaı-aq, Ǵ. Pirmatov bıyl jahandyq ınflıatsııa joǵary bolyp qala beretinin jetkizdi. Spıker usynǵan málimetke sáıkes, damyǵan elderde ınflıatsııanyń ósýi boıynsha boljamdyq kórsetkish 3,9%-dan 5,7%-ǵa deıin, al damýshy elderde – 5,9%-dan 8,7%-ǵa deıin artady.