«Azyq-túlik kelisimshart korporatsııasy» astyq bazalaryn otandyq jeńil kóliktermen qamtamasyz etti

ASTANA. 26 naýryz. QazAqparat - Naýryz meıramy qarsańynda «Azyq-túlik kelisimshart korporatsııasy» astyq bazalary úshin 100 paıyz otandyq ónim bolyp tabylatyn

«Agromashholdıng» AQ Qostanaı zaýytynan «SsangYong» markaly 7 jeńil avtokólik satyp aldy. Bul týraly korporatsııanyń baspasóz qyzmetinen habarlandy.

Astyq bazalary Azyq-túlik korporatsııasynyń enshiles kásiporyny «Astyq qoımalary» JShS quramynda. Atalǵan seriktestik 2001 jyly korporatsııanyń 100 paıyz qatysýymen astyq naryǵyna qatysýshylar qyzmetiniń quqyqtyq rettelýin qamtamasyz etý maqsatynda qurylǵan bolatyn. Onyń quramyna bes astyq bazasy kiredi. Al «Astyq qoımalary» JShS-nyń astyq bazalarynyń jalpy syıymdylyǵy 538,3 myń tonnany quraıdy. Aǵymdaǵy jyly ony 560 myń tonnaǵa jetkizý kózdelip otyr.

«Astyq qoımalarynyń qoldanystaǵy tehnıkalary standarttarǵa saı kele bermeıtin ári udaıy shyǵyndy talap etýshi edi. Alaıda 2011 jylǵy astyq daqyldarynyń mol ónimi astyq bazalaryn jeńil avtokóliktermen jabdyqtaý máselesin sheshýge múmkindik berip, barlyq bazalar úshin otandyq qurastyrý bolyp tabylatyn «SsangYong» markasyndaǵy 7 avtokólik satyp alyndy», - delingen baspasóz aıǵaǵynda.