Azyq-túlik kelisim shart korporatsııasy aýyl sharýashylyǵy taýarlaryn óndirýshilerden bıdaı men arpa satyp alýda
«Azyq-túlik kelisim shart korporatsııasy» UK» AQ bıýdjettik kredıt qarajaty esebinen 13 mlrd. teńge somaǵa deıin «Agroónerkásip kesheni sýbektilerin qoldaý jónindegi is-sharalardy júrgizý úshin «QazAgro» ulttyq basqarýshy holdıngi» AQ-yn nesıeleý» bıýdjettik baǵdarlamasyn iske asyrýdy bastady.
Ekonomıkany jańǵyrtý jónindegi memlekettik komıssııanyń 2013 jylǵy 15 aqpandaǵy sheshimimen kórsetilgen qarajat 1 ga egis alańyna 6 000 teńge esebinen áleýmettik-kásipkerlik korporatsııalar (ÁKK) kepildemesimen kóktemgi-jazǵy qarjylandyrý arqyly aýyl sharýashylyǵy taýarlaryn óndirýshilerden (AShTÓ) bıdaı men arpany forvardtyq satyp alýǵa jumsalady.
AShTÓ-diń mindettemelerin oryndaýy tıisti astyq kólemin jetkizý jáne/nemese aqshalaı qarajatty qaıtarý arqyly júzege asyrylatyn bolady.
Azyq-túlik kelisim shart korporatsııasy qarjylandyratyn AShTÓ-diń tizimin oblystyq ákimdikterdiń janyndaǵy Úılestirý keńesteri jasaıdy.
Kórsetilgen tizimge engizilgen AShTÓ-den atalǵan baǵdarlamaǵa qatysýǵa ótinimder Azyq-túlik kelisim shart korporatsııasynyń oblystyq (óńirlik) ókildikterinde qabyldanady.
Ótken jyly atalǵan baǵdarlama boıynsha Azyq-túlik kelisim shart korporatsııasy jalpy somasy 13,4 mlrd. teńgege 1 442 AShTÓ-di qarjylandyrdy.
Atap óteıik, kóktemgi-jazǵy qarjylandyrý arqyly bıdaı men arpany forvardtyq satyp alý degenimiz - bul ÁKK kepildemesi jáne AShTÓ-diń belgilengen merzimde tıisti astyq kólemin jetkizýi arqyly Azyq-túlik kelisim shart korporatsııasynyń aldyn ala tóleý sharttarymen bıdaı men arpany satyp alýy. Sondaı-aq «Azyq-túlik kelisim shart korporatsııasy» ulttyq kompanııasy» AQ-nyń negizgi qyzmeti memlekettik astyq resýrstary men odan qaıta óńdelgen ónimderdi satyp alý, qalyptastyrý, esepke alý, saqtaýdy uıymdastyrý, jańartý, ornyn aýystyrý, satýdy qamtamasyz etý, sondaı-aq Qazaqstannyń Úkimetimen belgilengen basqa da qyzmetter bolyp tabylady. Kompanııanyń jalǵyz aktsıoneri «QazAgro» ulttyq basqarýshy holdıngi» AQ bolyp tabylady.