Azyq-túlik dúkenderi azamattarǵa chek berýge mindetti - komıtet

NUR-SULTAN. QazAqparat - Jeke tulǵalarǵa azyq-túlik pen turmystyq taýarlardy satqan dúkender baqylaý-kassa mashınasynyń chegin berýge mindetti. Al osy jaǵdaıda dúken ıesi taýarlarǵa ilespe júkqujattaryn rásimdeýge mindetti me? Temeki ónimderin satýshylar 2D skanerin satyp almaýy úshin neni bilýi kerek? Osy suraqtarǵa Memlekettik kirister komıtetinde jaýap berdi, dep habarlaıdy QazAqparat.

Jyl basynan bastap Taýarlarǵa ilespe júkqujattardy kezeń-kezeńimen engizýdi kózdeıtin pılottyq joba iske qosyldy.

Jeke tulǵalarǵa azyq-túlik pen turmystyq taýarlardy ótkizý kezinde baqylaý-kassa mashınasynyń chegi beriledi. Mańyzdy: taýarlarǵa ilespe júkqujattar rásimdelmeıdi.

Satyp alýshylar 14 kún ishinde satyp alynǵan taýardy qaıtarýǵa quqyly ekenin eskere otyryp, Vırtýaldy qoımadan satylǵan taýar 16 kúntizbelik kúninde esepten shyǵarylady. Esepten shyǵarý EShF aqparattyq júıesinde baqylaý-kassa mashınalary chekteriniń derekteri negizinde avtomatty túrde júrgiziledi.

Sonymen qatar, alkogol men temekini bólshek saýdada ótkizýshiler úshin (dúkender, sýpermarketter, meıramhanalar, barlar jáne t.b.) jetkizýshiden taýar alǵan kezde «Elektrondy shot-faktýralar» aqparattyq júıesinde taýarlarǵa ilespe júkqujattardy rastaý túrinde qosymsha talap bar. Odan ári satý kezinde taýarlarǵa ilespe júkqujattar tek erikti negizde rásimdeledi.

Temeki ónimderin satý úshin 2D skanerge balama retinde «Naqty Sauda» (Android jáne IOS) tegin mobıldi qosymshasyn paıdalanýǵa bolady.

Kásipkerlerdi qoldaý jáne máselelerdi talqylaý úshin «MarkirovkaQoldau» Telegram-chaty belsendi jumys isteıdi.

Taýarlardy tańbalaý máseleleri boıynsha táýlik boıy tegin «shuǵyl» jeli jumys isteıdi, onyń nómiri mynadaı - 8 800 080 6565.