Azyq-túlik baǵasynyń ósý negizdiligi tekseriledi – agenttik
2021 jyldyń basynan bastap monopolııaǵa qarsy organ baǵalardy tómendetý týraly habarlamalardy oryndamaýmen baılanysty eki nan óndirýshige, eki kúnbaǵys maıyn óndirýshige jáne eki saýda jelisine qatysty 6 tergep-tekserý taǵaıyndady.
Aǵymdaǵy aptada jańa den qoıý sharalary qabyldandy. Baǵalardy tómendetý týraly 25 habarlama jiberildi:
- 13 jumyrtqa óndirýshige;
- 7 kúnbaǵys maıyn óndirýshige;
- 2 qantty kóterme saýdada jetkizýshi;
- 3 qaraqumyq jarmasyn kóterme saýdada jetkizýshi.
Osy taýar pozıtsııalary boıynsha 2 aıda baǵanyń eń joǵary –3-ten 11%-ǵa deıin ósýi baıqaldy.
Áleýmettik mańyzy bar azyq-túlik taýarlarynyń (ÁMAT), sondaı-aq jekelegen óńirlerde baǵanyń ósýi 3%-dan asqan taýar pozıtsııasy boıynsha aqparat suratyldy. Bul nan, un, taýyq etin, makaron (rojkı), sút, aıran, sary maı, súzbe óndirýshiler.
Buzýshylyq belgileri anyqtalǵannan keıin 10 kún ishinde olarǵa qatysty den qoıý sharalary qabyldanatyn bolady.
Osylaısha, ÁMAT-tyń 12 taýar naryǵy jáne olardyń barlyq iri óndirýshileri men kóterme jetkizýshileri derlik monopolııaǵa qarsy baqylaýmen qamtyldy.
Qalǵan taýar pozıtsııalary - bul baǵanyń maýsymdyq ósýi bar jemis-kókónis ónimderi nemese ósý ındeksi ótken jyldyń deńgeıinen aspaıtyn taýar naryqtary.
Óz kezeginde, aýyl sharýashylyǵy óndirýshileri baǵalardyń ósý sebepteri retinde ólim-jitimge baılanysty jumyrtqa óndirisi kóleminiń 15%-ǵa qysqarǵanyn, jemshóp qunynyń 150%-ǵa artqanyn, shıkizat -kúnbaǵystyń jappaı áketilgenin, shıki kúnbaǵys maıy qunynyń 30%-ǵa óskenin, shıki quraq qant qunynyń 25%-ǵa óskenin, qaraqumyq egis alqaptarynyń 40%-ǵa qysqarǵanyn atap ótti.
Osyǵan baılanysty, monopolııaǵa qarsy organ Úkimet ázirleıtin Áleýmettik mańyzy bar azyq-túlik taýarlarynyń baǵalaryn turaqtandyrý jónindegi jol kartasyna ÁMAT-tyń árbir problemalyq naryǵy boıynsha usynystar engizdi.