Azyq-túlik baǵasynyń apta saıynǵy ósýi turaqtandy - Ǵalymjan Pirmatov

NUR-SULTAN. QazAqparat – QR Ulttyq bankiniń tóraǵasy Ǵalymjan Pirmatov Úkimet otyrysynda ınflıatsııanyń jyl aıaǵyna deıin joǵary deńgeıde saqtalatynyn málim etti, dep habarlaıdy QazAqparat tilshisi.

«Qazaqstandaǵy ınflıatsııa bizdiń boljamymyz boıynsha, naýryzdaǵy 12%-dan sáýirde barlyq komponentter boıynsha baǵa jyldam óskendikten 13,2%-ǵa deıin qarqyn aldy. Azyq-túlik baǵasynyń jyldyq ósimi 15,4%-dan 17,9%-ǵa deıin jedeldedi. Azyq-túlik taýarlary baǵasynyń ósýine qant, qyryqqabat, kúnbaǵys maıy eń kóp úles qosyp keledi. Áleýmettik mańyzy bar azyq-túlik taýarlary baǵasynyń apta saıynǵy ósýi turaqtandy. Alaıda, naýryzda jekelegen azyq-túlik taýarlarǵa suranys artqandyqtan baǵanyń jyldyq ósimi joǵary deńgeıde saqtalyp otyr», - dedi Ǵalymjan Pirmatov.

Aıtýynsha, syrtqy ınflıatsııalyq fon sáýirde 10,9%-dan 11,1%-ǵa deıin jedeldep, azyq-túlikke jatpaıtyn taýarlar baǵasyn ósirip tur.

«Aqyly qyzmet kórsetý baǵasynyń ósýi 8,3%-dan 8,9%-ǵa deıin jedeldedi, bul birqatar naryqtyq qyzmet baǵasynyń ósýine baılanysty boldy.Táýekelderdi eskere otyryp, ınflıatsııa jyl sońyna deıin joǵary deńgeıde saqtalatyn bolady», - dedi Ulttyq bank tóraǵasy.

Buǵan deıin Ulttyq bank teńge baǵamyn turaqtandyrý sharalaryn júrgizip jatqanyn málim etken bolatyn.