«Azyq-túlik baǵasy nege ósedi?» - baspasózge sholý
***
Táýelsizdiktiń eleń-alań tusynda Qazaq eliniń irgesin bekitip, bolashaǵyn aıqyndaý kezinde Elbasy Nursultan Nazarbaev osynyń bárin kúni erteń bilikti kadr atqaratyndyǵyn kóregendikpen boljap «Bolashaq» halyqaralyq stıpendııasyn taǵaıyndaǵan edi. Sodan beri de 20 jyl ýaqyt óte shyǵypty. Osyǵan oraı «Egemen Qazaqstan» gazeti QR BǴM «Halyqaralyq baǵdarlamalar ortalyǵy» AQ-nyń prezıdenti Ǵanı Nyǵymetovti áńgimege tartqan. «Asýlardyń bastaýy» degen taqyryppen berilgen suhbat barysynda ol tilshiniń barlyq saýalyna tuşymdy jaýap bere kele: «Sońǵy derekterge nazar aýdarsaq, túlekterdiń 15,3 paıyzy memlekettik organdar men uıymdarda, 19,5 paıyzy Ulttyq kompanııalarda, 61,9 paıyzy qazaqstandyq kompanııalarda, 3,3 paıyzy halyqaralyq uıymdarda, 900 túlek, ıaǵnı 15 paıyz azamattar óńirlerde qyzmet etýde. Iá, 124 túlek áli qyzmetke tura qoımaǵan. Muny biz basty nazarda ustap, jumys oryndaryn izdestirý ústindemiz», - deıdi.
«Qazaqstan Prezıdenti Nursultan Nazarbaev BUU Bas hatshysynyń arnaıy ókili, BUU-nyń Aýǵanstanǵa kómek kórsetý jónindegi mıssııasynyń basshysy ıAn Kýbıshpen kezdesý ótkizdi», - dep jazady «Egemen Qazaqstan» gazeti. Basylymnyń atap ótýinshe, kezdesý barysynda Qazaqstan men BUU yntymaqtastyǵynyń negizgi baǵyttary talqylandy. Atap aıtqanda, óńirdegi qaýipsizdikti qamtamasyz etýdiń tetikteri, sondaı-aq Aýǵanstan ekonomıkasyn qalpyna keltirý máselesi qaraldy. Memleket basshysy eldiń damýyna, sonyń ishinde aýǵan stýdentterin oqytýǵa baǵyttalǵan túrli jobalardy iske asyrý arqyly Aýǵanstanǵa Qazaqstannyń kómek kórsetýdi jalǵastyrýǵa daıyn ekenin atap ótti. ıA.Kýbısh Nursultan Nazarbaevty kelesi jylǵy sáýirde ótýge tıis prezıdenttik saılaýǵa Aýǵanstannyń daıyndyǵy barysy týraly habardar etti, sondaı-aq BUU-nyń eldegi ahýaldy turaqtandyrý baǵytynda kúsh-jiger jumsap otyrǵany týraly da aıtty.
***
«Azyq-túlik qymbattaýda. Soǵan qaramastan, bılik basyndaǵylardyń aıtýy boıynsha, ınflıatsııa belgilengen dálizden shyqqan joq. Muny qalaı túsinýge bolady? Ótken jyldyń qorytyndysy boıynsha ІJÓ turǵyndardyń jan basyna shaqqanda 12 myń dollardan aınalyp, Polsha, Vengrııa, Brazılııa, Túrkııa, jáne Malaızııa sekildi elderdegi turǵyndardyń ahýalymen teńesken kórinedi. Atalǵan elderdegi jaǵdaıdyń qandaı ekendigin bilmeımiz, al óz elimizdegi ár turǵyn úshin ІJÓ-niń 12 myń dollardan aınalǵanyn sezindik dep aıta almaıtynymyz shyn endi», - dep jazady «Aıqyn» gazeti. Basylymǵa elimizdegi ınflıatsııalyq úderisterge qatysty óz pikirin bildirgen qarjyger Іlııas Isaev ınflıatsııa toqtap qalǵan joq, aı saıyn birte-birte ósýde ekendigin, teńgeniń de birte-birte qunsyzdanyp bara jatqandyǵyn basa aıtqan. «Sebebi, bizdegi azyq-túlik pen kıim-keshektiń basym bóligi ımport. Shetelden ımportpen birge onyń quny da ósip keledi. Aýyl sharýashylyǵy mınıstrligindegiler elimizdiń naryǵyndaǵy azyq-túlik 80 paıyzdy qurady degen aqparat bergenin estip, tańǵaldym. Qaıdaǵy 80 paıyz, múmkin ımportpen shatastyryp alǵan bolar dep oıladym. Eger biz naryqty azyq-túlikpen 80 paıyzǵa qamtı alatyn bolsaq, ınflıatsııany da aýyzdyqtaı alar edik», - dedi ol. Maqala «Azyq-túlik baǵasy nege ósedi?» degen taqyryppen berilgen.
Osy basylymnyń jazýynsha, Qazaqstan Respýblıkasy Úkimeti densaýlyq saqtaý salasyn reformalaý úshin Dúnıejúzilik Bank qarajatyn tartý týraly sheshim qabyldady. Gazet derekterine qaraǵanda, atalǵan joba aıasynda bıylǵy jyly Qazaqstan Respýblıkasy Densaýlyq saqtaý mınıstrligi «Respýblıkalyq densaýlyq saqtaýdy damytý ortalyǵy» RMK-men birlese otyryp qaıta tirkeý jónindegi 44 úıretýshini daıyndap shyǵardy, olar óz kezeginde akkredıtteý jónindegi 156 ınspektordy jáne medıtsına uıymdary ókilderi qataryndaǵy 688 sapa úılestirýshilerin oqytyp shyǵardy. Sonymen qatar taıaýda medıtsına uıymdarynyń akkredıtteý standarttaryna sáıkestiligine syrtqy keshendi baǵalaýdy júrgizý nátıjesinde Qazaqstan Respýblıkasy Densaýlyq saqtaý mınıstrliginiń akkredıtteý (qaıta tirkeý) komıssııasynyń otyrysy ótkizildi. «Nátıjesinde 154 medıtsına uıymy ishinde 4 jylǵa 2 medıtsına uıymy akkredıtteldi - Qaraǵandy qalasynyń «№3 qalalyq emhana» MQK jáne Qostanaı qalasynyń «№4 qalalyq emhanasy» MQK. 125 medıtsına uıymy 2 jyl merzimge akkredıtteldi, al 27 uıym akkredıtteýden ótpeı qaldy», - delingen «Tirkeýden ótpeı qalǵan medmekemeler bar» degen taqyryptaǵy maqalada.