Azyq-túlik baǵasy, ınflıatsııa, kórsetiletin qyzmetter quny qanshalyqty ósti – Ulttyq bank málimetteri

NUR-SULTAN. QazAqparat - 2022 jylǵy qańtarda aılyq ınflıatsııa 0,7% deńgeıinde qalyptasty, jyldyq ósý qarqyny 8,5% - ǵa deıin jedeldedi, dep habarlaıdy QazAqparat QR Ulttyq bankiniń baspasóz málimetterine silteme jasap.

Baspasóz qyzmetiniń málimetterine qaraǵanda, azyq-túlik jáne azyq-túlik emes ınflıatsııa 2021 jylǵy jeltoqsan deńgeıinde saqtaldy. Aqyly qyzmetter ınflıatsııasy turǵyn úıdi jaldaý qunynyń neǵurlym joǵary ósýi aıasynda jedeldedi. 2022 jylǵy qańtarda tutyný baǵalary 0,7% – ǵa ósti, jyldyq mánde baǵanyń ósýi 8,5% - ǵa deıin jedeldedi (2021 jylǵy jeltoqsanda-8,4%).

Azyq-túlik taýarlary baǵasynyń jyldyq ósýi ótken jylǵy jeltoqsan deńgeıinde saqtalyp, 9,9% - dy qurady. 2022 jyldyń qańtarynda nan ónimderi men jarma, jemister men kókónister tobynda baǵanyń ósýi baıqaldy. Álemdik naryqtardaǵy baǵanyń neǵurlym qalypty ósýi aıasynda qant baǵasynyń ósýi baıaýlady.

2022 jylǵy qańtardaǵy azyq-túlik emes taýarlar baǵasynyń jyldyq ósý qarqyny da burynǵy deńgeıde (8,5%) saqtaldy. Suranystyń artýy jáne komponentterdiń, atap aıtqanda mıkroshemalardyń álemdik tapshylyǵy aıasynda avtomobılder baǵasynyń ósýi jedeldedi.

Sonymen qatar, 2022 jyldyń qańtarynda ımporttyq baǵanyń ósýine baılanysty dári-dármekterdiń qymbattaýy baıqaldy. 2022 jyldyń qańtarynda benzın, dızel otyny, suıytylǵan gaz baǵasy tómendedi, bul osy taýarlar baǵasynyń jyldyq ósý qarqynynyń baıaýlaýyna yqpal etti. Osylaısha azyq-túlik emes taýarlardyń barlyq toby baǵasynyń jyldyq ósýin shektedi.

Aqyly qyzmetterdiń jyldyq ınflıatsııasy 2022 jylǵy qańtarda 6,8% – ǵa deıin jedeldedi (2021 jylǵy jeltoqsan – 6,5% - ǵa ósý). Abattandyrylǵan turǵyn úıdi jalǵa alý baǵasy suranystyń joǵary bolýyna baılanysty óse tústi. 2022 jyldyń qańtarynda ambýlatorııalyq qyzmetterdiń qymbattaýy baıqaldy. 2022 jylǵy qańtarda retteletin kommýnaldyq qyzmetter Batys Qazaqstan oblysynda elektr energııasynyń qymbattaýy aıasynda azdap qymbattady. Retteletin qyzmetterdiń qalǵan túrleriniń baǵasy 2022 jylǵy qańtarda ózgergen joq.

Óńdeý ónerkásibi men aýyl sharýashylyǵynda baǵa ósimi birshama baıaýlap, 2022 jylǵy qańtarda óńdeýshi ónerkásiptegi óndirýshiler baǵasynyń el ishinde satylatyn ónim baǵasynyń ósimi 17,5% – ǵa deıin (2021 jylǵy jeltoqsanda – 18,4%) baıaýlady.

Azyq-túlik óndirýshi kásiporyndar arasynda maı, toń maı jáne qant óndirisi baǵasynyń ósýi aıtarlyqtaı baıaýlady. Ekinshi jaǵynan, bıdaıdyń álsiz shyǵymdylyǵy aıasynda nan-toqash jáne makaron ónimderin óndirýshilerdiń, sondaı-aq mal azyqtyq daqyldarynyń qymbattaýyna baılanysty et pen sút ónimderiniń baǵasy azdap ósti.

Aýyl sharýashylyǵynda 2022 jylǵy qańtarda óndirýshiler baǵasynyń ósimi 16,9% - ǵa deıin baıaýlady (2021 jylǵy jeltoqsanda – 17,3% - ǵa ósti). Ósimdik sharýashylyǵynda bıdaı, arpa, júgeri jáne mal azyqtyq daqyldary baǵasynyń ósýi qarqyn ala tústi. Mal sharýashylyǵy ónimderiniń arasynda shıki sút baǵasynyń ósýi baıaýlady jáne jumyrtqa óndirýshilerdiń baǵasy tómendedi.