Azyq-túlik baǵasy bir jylda qalaı ózgerdi
QR Ulttyq ekonomıka mınıstrligi Statıstıka komıtetiniń aqparatyna súıensek, elde nan ónimderi jáne jarmalar, et, balyq jáne teńiz ónimderi, sút ónimderi, jumyrtqa, maı jáne tońmaı, kondıterlik ónimder, jańa jınalǵan kókónister men jemister, alkogolsiz sýsyndar jáne alkogoldi ishimdikter qymbattady. Al qant kerisinshe, arzandaı túsken.
Statıstıka komıteti 2019 jylǵy sáýir men 2020 jylǵy sáýir aıy aralyǵynda azyq-túlik baǵasy qalaı ózgergenin málim etti.
Atap aıtqanda, birinshi surypty nan byltyrǵy sáýirde 137 teńge tursa, bıyl 150 teńgege deıin kóterilgen. Eń qymbat baǵa – 178 teńge Atyraý qalasynda tirkeldi.
Sıyr eti 2019 jylǵy sáýirdegi 1575 teńgeden 1882 teńgege deıin qymbattady. Eń qymbat baǵa – 2169 teńge Almaty qalasynda boldy.
Súıegi bar qoı etine baǵa 1502 teńgeden 1814 teńgege deıin ósti. Qymbat baǵa (2451 teńge) Nur-Sultan qalasynda anyqtaldy.
Taýyq etine baǵa 753 teńgeden 847 teńgege deıin artty. Nur-Sultan qalasynda boldy 979 teńgege (eń qymbaty) satylýda.
Tuzdalmaǵan sary maı quny 2185 teńgeden 2515 teńgege deıin ósti. Eń qymbat maı (4015 teńge) Aqtaý qalasynyń dúkenderinde.
Suıyq maı (1 lıtri úshin) bir jylda asa qymbattaı qoımaǵan. Byltyr – 433, bıyl 434 teńge turady. Eń qymbat baǵany (484 teńge) Aqtaý qalasynda kezdestirýge bolady.
Jumyrtqa (10 danasy) baǵasy 265 teńgeden 298 teńgege kóterilgen. Eń qymbat baǵa (364 teńge) Almaty qalasynda tirkeldi.
Kartop byltyr 87 teńge tursa, bıylǵy sáýirde 124 teńgege kóterilgen. Qymbat baǵa Almaty qalasynda – 169 teńge.
Qyryqqabat byltyrǵy sáýirde 200 teńge tursa, bıyl 124 teńgege arzandaǵan. 150 teńgege (eń qymbat) Aqtaý dúkenderinde satylyp jatyr.
Pııaz baǵasy 99 teńgeden 104 teńgege ósken. Eń qymbat baǵa Nur-Sultan qalasynda – 145 teńge.
Sábiz bir jylda 7 teńgege qymbattap, 115 teńge boldy. Eń joǵary baǵa Aqtaý qalasynda tirkeldi – 157 teńge.
Alma quny 364 teńgeden 474 teńgege artty. Qaraǵandy saýdagerleri bir keli alma úshin 655 teńge suraıdy. Bul - elimizdegi eń qymbat baǵa.
«2020 jylǵy sáýirde jarma ónimderi tobynda qaraqumyq jarmasyna ortasha baǵa kelisine 349 teńgeni (2019 jylǵy sáýirde – 243 teńge), suly jarmasyna – 357 teńgeni (334 teńge), sókke – 372 teńgeni (285 teńge), kúrishke 373 teńgeni (333 teńge) qurady.
Qanttyń ortasha baǵasy bıylǵy sáýirde kelisine 213 teńgeni, 2019 jylǵy sáýirde 243 teńgeni qurady. Sút ónimderinen súzbege ortasha baǵa kelisine 1637 teńgeni (2019 jylǵy sáýirde – 1562 teńge), qaımaqqa – 1136 teńgeni (1050 teńge), aıranǵa – 305 teńgeni (285 teńge), pasterlengen sútke 260 teńgeni (240 teńge) qurady», - delingen aqparatta.