Azııanyń poezııalyq jańa tolqynyn bastaýǵa shaqyramyn - mońǵol aqyny Mend Ooeo
«Adamzat órkenıetiniń poezııa teńizinen tergen jaýhary sekildi antologııa mádenıetine Azııanyń da usynar aıryqsha jańalyqtary enýi kerek. Áýeli Azııa qurlyǵy elderiniń erekshe iltıpatymen poezııa antologııasynyń kóp tilge tárjimalanyp, shyǵýyna tilektespin. Bul prozaǵa da, ádebıettiń ózge janrlaryna da qatysty sóz. Biz qashanǵa deıin Batystyń qabaǵyna qarap, qolyna telmiremiz. «Batys degen Batys, Shyǵys degen Shyǵys – bir-birine esh qaramaıtyn tus» dep Kıplıng aıtyp ketken. Bólinip-jarylmaı álem ádebıetiniń uly arnasynda ásire batysshyl ústemdikti ózgertý maqsatynda bul sózimdi túsinýlerińizdi suraımyn. Azııa ádebıetin qoldaýǵa qatysty tıimdi tásilderdi taýyp, aıtalyq, bir beldeýlik qor qurý arqyly tárjima jáne tańdaýly shyǵarmalardy nasıhattaý – osy qurlyqtaǵy elderdiń Úkimetteriniń mindeti bolady dep oılaımyn», - dedi Gombojavyn Mend Ooeo.
Óz sózinde mońǵol aqyny Qazaqstan tarapyna alǵysyn bildirdi.
«Qazaq eliniń halyqaralyq ádebıet qarym-qatynasyn damytý, qoldaý jolyndaǵy ıgi isterine bek razymyz. Azııanyń mádenı-rýhanı tekti, tańǵajaıyp álemin kemeldendirýshi poezııalyq jańa tolqyndy bastaýǵa shaqyramyn», - dedi Nobel syılyǵynyń nomınananty.
Eske salsaq, elordada Azııa qalamgerleriniń І forýmy ótip jatyr. Oǵan ádebıetten Nobel syılyǵynyń 3 nomınaty qatysýda. Jıynda Qasym-Jomart Toqaev «Azııa alyby» halyqaralyq ádebı syılyǵyn taǵaıyndaýdy usyndy.