Azııanyń 3 memleketinde koronavırýspen syrqattaný deńgeıi artqan

NUR-SULTAN. QazAqparat – Qazaqstan koronavırýspen syrqattaný deńgeıi boıynsha álem elderiniń arasynda 120-orynda tur. Bul týraly Densaýlyq saqtaý mınıstri Ajar Ǵınııat Úkimet otyrysynda málim etti, dep habarlaıdy QazAqparat tilshisi.

«Álemde sońǵy aptada koronavırýs ınfektsııasymen aýyrǵan adamdardyń sany 20% tómendedi.

215 eldiń 180-inde syrqattanýshylyqtyń tómendeýi, onyń ishinde Amerıkada 46%, Izraılde, Armenııada 45%, Chehııada 32%, Ulybrıtanııada 23%, Túrkııada 11%, Avstrııada, Reseıde 9% tómendeýi baıqalady.

Sonymen qatar álemniń 35 elinde aýrýdyń ósýi jalǵasýda, onyń ishinde Malaızııada 1,4 ese, Qytaıda 1,3 ese, Taılandta 1,2 ese ósken», - dedi mınıstr.

Onyń aıtýynsha, sońǵy aıda álem retınginde 1 mln halyqqa shaqqandaǵy Qazaqstannyń syrqattanýshylyq deńgeıi 5 satyǵa jaqsarǵan.

«Qazaqstan bul kórsetkish boıynsha 120-orynda tur. Ólim-jitim boıynsha kórsetkish 6 satyǵa jaqsardy jáne 225 orynnan 108-orynda tur», - dedi Ajar Ǵınııat.